- Йеңилиқлар
- 20 Қараша, 2019
ҚХА үчүн вәзипиләр
Нурсултан Назарбаев Қазақстан хәлқи Ассамблеяси Рәисиниң орунбасари Жансейит Түймебаевни қобул қилди.
Учришиш давамида Қазақстанниң Тунҗа Президентиға Қазақстан хәлқи Ассамблеясиниң еқимдики паалийити тоғрилиқ әхбарат берилди.
– Ассамблея үчүн вәзипиләр бәлгүләнди. XXVII сессиядә қобул қилинған қарарлар бар. Президент Қасым-Жомарт Тоқаевниң Қазақстан хәлқигә йоллиған Мәктүбидә муһим йөнилишләр бәлгүләнди. Уларниң илгирилитилишини тәминләп, җай-җайларда чүшәндүрүш, бу ишқа регионлуқ этномәдәнийәт бирләшмилирини җәлип қилиш муһим. Барлиқ вилайәтләрдә тегишлик ишни йолға қоюши лазим, – деди Елбасы.
Нурсултан Назарбаев шундақла ҚХАниң хәлиқара йөнилиш бойичә ишини күчәйтишниң муһим екәнлигини тәкитлиди.
– Сизниң тапшурмилириңизни орунлаш үчүн Ассамблея ишини җанландуруш бойичә бирқатар чариләр көрүлди. Буниңда асасий әвзәллик регионларға берилди. 2 айда 2 миңдин ошуқ чарә-тәдбир өткүзүлүп, уларға 4,5 миллиондин ошуқ адәм қатнашти, – дәп доклад қилди Жансейит Түймебаев.
Учришиш ахирида Қазақстан хәлқи Ассамблеясиниң Рәиси Нурсултан Назарбаев бирқатар ениқ тапшурмиларни бәрди.
392 рет
көрсетілді0
пікір