• Йеңилиқлар
  • 20 Қараша, 2019

Он айниң йәкүни чиқирилди

Алмута вилайитиниң һакими Амандық Баталов Мәркизий коммуникацияләр хизмитидә болуп өткән мәтбуат конференциясидә вилайәтниң мошу жилниң он ейидики иҗтимаий-ихтисадий тәрәққияти тоғрилиқ мәлуматларни бәрди. Регион һакими мәтбуат конференциясидә бирқатар пәйтләргә алаһидә тохталди. Биринчидин, инвестицияләрни вә йеңи технологияләрни җәлип қилиш. Һакимниң сөзичә, вилайәттә Регионлуқ тәрәққият мәркизи ишләватиду, бийил Алмутида вә Талдиқорғанда “бир деризә” тәртивидә ишләйдиған заманивий фронт-идариләр ечилди. Умумән, инвестиция портфелида баһаси 49 триллион тәңгидин ошуқ 421 лайиһә бар. 40 миң иш орнини вуҗутқа кәлтүрүш көздә тутулуватиду. Йәрлик мәһсулатни көпәйтишкә қаритилған “Аддий нәрсиләрни ихтисат қилиш” программиси әмәлгә ашурулуватиду. Һакимниң тәкитлишичә, бүгүнки күндә банклар ишләватқан умумий баһаси 89 миллиард тәңгилик 111 лайиһидин баһаси 10,3 миллиард тәңгә болған 20 лайиһини мақуллиди. Мәсилән, “Қайнар” заводи йеңилашқа икки миллиард тәңгә елип, аккумулятор чиқиришни көпәйтти. Қошумчә 110 иш орни вуҗутқа кәлтүрүлүп, һазир карханида 1 069 адәм әмгәк қиливатиду. Алмута вилайитини аграр региондин пәйдин-пәй аграр-индустриал регионға айландуруш иши әмәлгә ашулуватиду. Йеза егилиги зираәтлириниң мәйдани 7 миң гектарға кәңәйтилип, 961 миң гектаридин ешип кәтти, униң 465 миң гектари суғирилидиған йәрләр. Қәнт қизилчисиниң мәйдани 14 миң, көмүқонақниң – 82 миң гектарғичә көпәйди. – Икки жилдин буян санаәт асасида яңию йетиштүрүшни тәрәққий әткүзүш билән шуғуллиниватимиз. Бийил 290 тонна есил уруқтин 17 миң тоннидин ошуқ уруқ елинди. Бу есил сортларниң терилғу мәйданини 600 гектардин 5 миң гектарғичә йәткүзүш имканийитини бериду, – деди һаким. Шундақла, асасән нәсиллик мал беқилидиған 102 мал бодаш мәйдани вуҗутқа кәлтүрүлди. Пәқәт Алакөл наһийәсидила 20 миң башқа молҗаланған нәсиллик илқа фермиси вә 4 миң тонна гөш чиқиридиған “Қайынды” гөш комбинати ишқа қошулди. Вилайәт рәһбири туристик иқтидарғиму тохтилип өтти. – Бизниң “Инфрақурулум – Инвестицияләр – Маркетинг” утуқ формулимиз кейинки бәш жилда туристлар еқиминиң 2,5 һәссә, һәқ төләп қилинидиған хизмәт көләминиң 3,5 һәссә, орунлаштуруш объектлириниң 1,5 һәссә өсүшини тәминлиди, 40 миллиард тәңгә хусусий инвестиция җәлип қилинди, – дәп хәвәр қилди һаким вә 2025-жилға қәдәр Алмута региониға келидиған туристлар еқиминиң 4 миллион адәмгә йетидиғанлиғини тәкитлиди. Һал-оқити төвән көпбалилиқ аилиләрни қоллап-қувәтләшкә нурғун диққәт бөлүнүватиду. Бу мәхсәтләр үчүн йәрлик бюджеттин 3,4 миллиард тәңгә бөлүнүп, мәхсус Иҗтимаий хәритини ишләп чиқти. Униң даирисидә балилар бағчилири билән мәктәпләрдә 58 бала һәқсиз иссиқ тамақ билән тәминләнди. Турушлуқ өй мәсилисиму һәл қилиниватиду. Жил бешидин тартип Алмута вилайитидә 743 миң квадрат метр турушлуқ өй пайдилинишқа берилип, жиллиқ план 95 пайиз орунланди. Һазир барлиқ йөнилишләр бойичә 1 447 көпбалилиқ аилини өй билән тәминләш планлиниватиду, улардин 1 093 аилә пәтирләр билән тәминләнди. Умумән, вилайәттә “Нұрлы жол” программиси түпәйли кейинки үч жилда 51 мәктәп селинди. Һәр жили 15кә йеқин йеңи объект пайдилинишқа бериливатиду. Мәҗбурий иҗтимаий медицинилиқ ғәмсизләндүрүш системисини җарий қилиш бойичә иш аяқлишип қалди. Амандық Баталов журналистларниң бирқатар, җүмлидин даңқи дунияға мәшһур Алмута апортиниң истиқбалиға бағлиқ соаллириға җавап бәрди. – Уни тикләш керәк болди вә биз тиклидуқ. Апорт асасида пәқәт йәттә жилдин кейин мевә беридиған сиверс алмиси ятиду. Биз инвесторларни җәлип қилип, 25 миң гектар бағ бәрпа қилдуқ вә у Европа бағлиридин қелишмайду, – дәп ишәндүрди вилайәт һакими.

50 рет

көрсетілді

0

пікір
Алдыңғы мақала ҚХА үчүн вәзипиләр
Келесі мақала Регионда иҗабий өзгиришләр көп

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

21 Қазан, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы