• Йеңилиқлар
• 27 Қараша, 2019

Хәлиқ партиягә ишиниду...

Сабирәм ӘНВӘРОВА, «Уйғур авази» Йеқинда Nur Otan партияси Уйғур наһийәлик шөбисиниң рәиси Шөһрәт Нурахунов турғунларни қобул қилди. Партиядин ярдәм сорап, үмүт билән кәлгән һәр турғунни диққәт билән тиңшиған Шөһрәт Турдахуноғли хәлиқ ишәнчисини йәрдә қоймиди. Һакимниң һозурида болған турғунлар һәрхил мәсилиләрни оттуриға қойди. Мәсилән, Чонҗа йезисидики Нур Исрайилов кочисиниң турғунлири су вә асфальт мәсилисини қозғиса, Шошанай йезисиниң турғуни қора селип, мал бақидиған йәргә қол йәткүзәлмәйватқанлиғини ейтти. Партияниң ғәмхорлуғиға муһтаҗ бәзи шәхсләргә отун-көмүр тәрәптин ярдәм көрситилидиған болди. Җүмлидин Nur Otan партияси наһийәлик шөбисиниң рәисигә шәхсий мәсилилири бойичә мураҗиәт қилғанларму болди. Қисқиси, йешилмәйдиған мәсилә йоқ екәнлигини тәкитлигән Шөһрәт Нурахунов турғунларға ениқ һәм чүшинишлик җавап берип, барлиқ мәсилиниң қанун асасида адил һәл қилинидиғанлиғиға ишәндүрди. Нурсултан Әбишоғли Назарбаевниң дана рәһбәрлиги арқисида Nur Otan партияси елимизниң йетәкчи сәясий тәшкилатиға айланди. Униңға жүклинидиған җиддий вә җавапкәр вәзипиләрни изчиллиқ билән әмәлгә ашуруватиду. Биз җәмийәтниң мәнпийити үчүн конструктив сәясәт жүргүзүватқан башқиму сәясий партияләр вә һәрикәтләр билән һәмкарлиқта ишлишимиз һаҗәт», дәп қәйт қилған еди Президент Қасым-Жомарт Тоқаев бийилқи Мәктүбидә. Бу Nur Otan партиясиниң елимиздики йетәкчи партия екәнлигини йәнә бир қетим очуқ испатлайду.