• Мукапат мубарәк!
  • 04 Желтоқсан, 2019

Улуқ дала аниси

Җумһурийәтлик Уйғур этномәдәнийәт мәркизи йенидики «Нураний анилар» кеңишиниң рәиси, меценат Гүлҗаһан Муратова кәң хәйрихаһлиқ паалийити арқилиқ җумһурийәткә тонулди. У житим балилар билән ялғуз аниларниң бешини сийпашқа адәтләнгән инсан. Шуңлашқиму уни «Анилар вә балилар» өйиниң «мудири» дәпму қойиду. Бурун Гүлҗаһан ана ялғуз аниларни өз хираҗитигә пәтир яллап турғузған болса, һазир өз мәблиғи һесавиға турушлуқ өй билән тәминләшни қолға алди. Тунҗа Президент күни Гүлҗаһан Муратованиң бу хәйрихаһлиқ паалийити Nur Otan партияси Алмута шәһири Алатав наһийәлик шөбиси тәрипидин жуқури баһалинип, униңға мәзкүр шөбә тәсис қилған «Ұлы дала ел анасы» ордени тапшурулди. Бәхтишат СОПИЕВ, «Уйғур авази» Гүлҗаһан Муратованиң (әсли исми Җаһангәр) житимларниң бешини сийпап келиватқиниға көп вақит болди. Бу һәққидә алмутилиқлар вә Уйғур, Әмгәкчиқазақ, Панфилов наһийәлириниң турғунлири яхши билиду. Болупму Роза-рамзан, Қурван һейтлири пәйтидә у наһийәләрни арилап кетиду. Йеңи оқуш жили башланғандиму әһвали еғир аилиләргә қол учини созиду. Гүлҗаһан ана 20 жилдин ошуқ вақит хәйрихаһлиқ иш билән шуғуллинип кәлгән. Бирнәччә аилиниң иҗарә һәққини бир адәмгә төләш наһайити еғир. Шуңлашқа у «Анилар вә балилар» өйини бәрпа қилиду. Шәхсий баш-панасиз балиларниң келәчиги болмайдиғанлиғини яхши чүшәнгәчкә, уларни өз мәблиғи һесавиға шәхсий өй билән тәминләшкә өтти. Житим көрсә бешини сийпашқа адәтләнгән Гүлҗаһан анимиз миллий мәдәнийитимиз җанкөйәрлириниң бири. У бәш тәңгә тапса, униң мәлум қисмини муһтаҗларға хәшләйдекән. Униң жүриги шуниң билән биллә «елим» дәпму соқиду. Мошу ахирқи қетим Арыста йүз бәргән вақиәгә йәнә биринчиләрдин болуп ярдәм қолини сунди. У җумһурийәтлик Уйғур этномәдәнийәт мәркизи йенида “Нураний анилар” кеңишигә рәһбәрлик қилип, Елбасы Нурсултан Назарбаевниң, Президентимиз Қасым-Жомарт Тоқаевниң дана сәяситини қоллап-қувәтләп, елимиздә хәлиқләр достлуғини мустәһкәмләштә аянмай әмгәк қиливатиду. Биримизниң бешиға күн чүшкәндә йәнә биримиз униңға ярдәмлишишкә алдирисақ, һәрқандақ мәсилини йешишкә болиду. Меһир-сахавәтлиги түпәйли, анимиз улуқ даланиң аниси аталди. Мукапат мубарәк! – деди Nur Otan партияси Алмута шәһири, Алатав наһийәлик шөбиси рәисиниң биринчи орунбасари М.Алмасбаев Г.Муратоваға орденни тапшуруветип.

81 рет

көрсетілді

0

пікір
Алдыңғы мақала Малийә саһасидики утуғи баһаланди
Келесі мақала Мукапат мубарәк!

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

20 Қаңтар, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы