• Йеңилиқлар
  • 04 Желтоқсан, 2019

Нурсултан Назарбаевниң үлгиси

Пайтәхттә Қазақстан Җумһурийитиниң Тунҗа Президенти Күни шәрипигә “Түрк алиминиң улуқ шәхслири” мавзусида чарә-тәдбир өткүзүлүп, униңда атақлиқ түрк сәясәтшунаси Кюршад Зорлуниң “Назарбаевниң лидерлиғи: Улуқ даланиң тиклиниши” китави тонуштурулди. Хәлиқара түрк академияси Қазақстан хәлқи Ассамблеяси билән бирликтә уюштурған чарә-тәдбиргә дөләт вә җәмийәт әрбаплири, илмий һәм оқуш орунлириниң рәһбәрлири, зиялилар вәкиллири қатнашти. – Мустәқил Қазақстанниң утуқлири Нурсултан Назарбаевниң исми билән чәмбәрчас бағлиқ. Тунҗа Президент түпәйли мәмликәт чоң утуқларға йәтти. Күчлүк ихтисат, иҗтимаий дөләт, турақлиқ сәясий система, милләтләрара разимәнлик, хәлиқара мәйданда мәмликитимизгә болған жуқури ишәнчә дәриҗиси Елбасы әмгигиниң нәтиҗилиригә уттур бағлиқ, – деди ҚХА Рәисиниң орунбасари – Қазақстан Җумһурийити Президентиниң Мәмурийити ҚХА Кативатиниң мудири Жансейит Түймебаев. ҚХА Рәиси орунбасариниң сөзичә, Қазақстан йүздин ошуқ милләт вә 17 конфессия үчүн диалог мәйданиға айланди. Мәмликәт дунияда биринчи болуп ядро қуралидин ваз кәчти, Шәмәй ядро полигонини йепиш қарарини қобул қилди. Қазақстанниң йеңи пайтәхтиму мәмликитимизниң аләмшумул утуқлириниң гувачисиға айланди. Қазақстан бирлик вә ишәнчиниң өз формулисини ишләп чиқти. У һәққаний түрдә Нурсултан Назарбаев үлгиси дәп аталди. Миллий сәясәт разимәнлик, җәмийәтлик турақлиқ, қанунниң үстүнлүги вә актив интеграция принциплири бойичә түзүлди. Мәмликәтниң Асасий қануни “Биз, Қазақстан хәлқи” дегән сөзләр билән башлиниду, бу болса, шу чағдин тартипла мәмликәтниң барлиқ гражданлириниң бирлиги идеясини алға сүрди. – Мустәқиллик жиллирида Қазақстанниң хәлиқара абройи җиддий дәриҗидә өсти. Бу Елбасыниң Шанхай һәмкарлиқ тәшкилати, Азиядики Өзара һәрикәт вә ишәнчә чарилири охшаш чоң хәлиқара тәшкилатларни қуруш, Дуниявий вә әнъәнивий динлар рәһбәрлириниң қурултийини, Қазақларниң дуниявий қурултийини өткүзүш бойичә изчил күч чиқиришиниң нәтиҗиси, – дәп тәкитлиди Жансейит Түймебаев. Шуни тәкитләш керәкки, профессор Кюршад Зорлу узақ жиллар мабайнида Нурсултан Назарбаев паалийитини лидерлиқниң йетәкчи дуниявий үлгилиригә тәңләштүрүп кәлди. Түрк сәясәтшунасиниң аналитикилиқ мақалилири Қазақстан нәширлиридә турақлиқ елан қилиниватиду. У өз китавида Елбасыниң түрк дуниясиниң бирлигини күчәйтиш, хәлиқләр оттурисида яхши хошнидарчилиқ алақиларни йолға қоюш бойичә ишини тәһлил қилди, Елбасыниң хәлиқара тоқунушларни биртәрәп қилишқа қаритилған утуқлуқ васитичилиқ ролиға тохталди. – Елбасыниң “Рухани жаңғыру” мақалиси пәқәт қазақ хәлқиниңла әмәс, бәлки пүткүл түркий хәлиқләрниң келәчигигә йөнилиш беридиған программилиқ һөҗҗәткә айланди, – деди Кюршад Зорлу китавини тонуштуруш мәрасимида. Алим шундақла өз китавида Нурсултан Назарбаевниң сәясий лидерлиқ феномени тоғрилиқ язғанда, уни улуқ хәлиқара сәясәтчиләр билән бирқатарға қойғанлиғини қәйт қилип, Қазақстан билән Түркияниң өзара пайдилиқ алақилирини күчәйтишниң зөрүр екәнлигини тәкитлиди. Шундақла Түркия сәясәтшунаси жүргүзгән социологиялик пикир сораш нәтиҗиси бойичә Нурсултан Назарбаев түрк алимидики әң ярқин шәхс болуп һесаплиниду. Елбасы түпәйли пүткүл дуния қазақ мәдәнийитини билишкә башлиди. Түркиядә мәмликитимизниң қисқа вақиттики утуқ-муваппәқийәтлиридин мәғрурлиниду. Қазақстан мустәқилликкә еришкәндин кейин Түркиядә қазақ тилида сөзләйдиған адәмләр көпәйди. Нурсултан Назарбаевниң өзини болса, түрк алиминиң Билгә-хақани дәп һесаплайду. Мәрасим ахирида Хәлиқара түрк академиясиниң Президенти Дархан Қыдырәли Кюршад Зорлуға миннәтдарлиқ билдүрүп, Пәхрий ярлиқ тапшурди.

34 рет

көрсетілді

0

пікір
Алдыңғы мақала Мәркизий Азия: йеңи шериклик
Келесі мақала “Шатлиқниң” шатлиғи

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

16 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы