• "Рухани жаңғыру"
• 11 Желтоқсан, 2019

Меморандум имзаланди

Сабирәм ӘНВӘРОВА, «Уйғур авази» Яшларни вәтәнпәрвәрликкә тәрбийиләш – бүгүнки күнниң әң асасий мәсилисидур. Җүмлидин яшларниң Вәтән алдидики борчини ада қилиши – билигиниң күчигә әмәс, жүригидики вәтәнпәрвәрлик сезимигә бағлиқ екәнлиги талашсиз. Шуңлашқиму йеқинда Уйғур наһийәлик мудапиә ишлири бөлүминиң башлиғи, майор Султанмурат Ғаппаров, наһийәлик билим бөлүминиң башлиғи Адилҗан Һаширов вә «Жас Сарбаз» һәрбий-вәтәнпәрвәрлик һәрикитиниң рәиси Қуралбек Бекмуханбетов яшларни һәрбий-вәтәнпәрвәрлик йөнилиштә тәрбийиләшкә қаритилған һәмкарлиқ вә өзара бирлишип ишләш тоғрилиқ меморандумға қол қойди. Меморандумниң мәхсити – «Қазақстан-2050» стратегиясиниң, «Мәңгілік ел» умумий миллий идеясиниң, «Рухани Жаңғыру» җәмийәтлик сәвийәни йеңилаш программисиниң мәхсәт-вәзипилирини әмәлгә ашурған һалда, яшларниң бойида чоңқур вәтәнпәрвәрлик сезимини шәкилләндүрүшкә қаритилған. Хулләс, тәрбийәвий әһмийити зор ушбу муһим һөҗҗәт келәчәктә қолға елинидиған чоң ишларниң башланмиси десәк, хаталашмаймиз. Алдики вақитта меморандумға мувапиқ, жиллиқ план түзүлүп, Қазақстан Җумһурийити Қураллиқ Күчлириниң аброй-инавитини ашурушқа беғишланған чарә-тәдбирләр өткүзүлмәкчи. Яшларни вәтәнпәрвәрликкә тәрбийиләйдиған чарә-тәдбирләр билим бериш дәргаһлирида вә наһийәлик Балилар вә өсмүрләр спорт мәктивидә қолға елинидиған болиду. Тәкитләш лазимки, мәзкүр меморандумниң муддити — 5 жил.