• Йеңилиқлар
  • 11 Желтоқсан, 2019

Һәмкарлиққа йеңи сүръәт берилиду

Қазақстан Президенти Қасым-Жомарт Тоқаев Германия Федератив Җумһурийитидә рәсмий сәпәрдә болди. Дөләт рәһбири сәпириниң биринчи күни Берлинда ГФҖ Канцлери Ангела Меркель билән тар вә кәңәйтилгән тәркиптә музакириләрни жүргүзди. Музакириләр давамида иккитәрәплимә мунасивәтләрни җанландурушқа вә стратегиялик ихтисадий шерикликни орнитиш истиқбалиға чоң диққәт бөлүнди. Шундақла маарип, илим-пән вә мәдәнийәт саһалирида өзара һәрикәт қилиш мәсилилири қаралди. Қасым-Жомарт Тоқаев билән Ангела Меркель аммивий әхбарат васитилириниң вәкиллири үчүн мәтбуат конференциясини өткүзүп, болуп өткән музакириләр йәкүнини чиқарди. Дөләт рәһбири Германия Канцлериға сәмимий қобул қилғанлиғи үчүн миннәтдарлиқ билдүрүп, Ангела Меркельниң мәмликәтлиримиз оттурисидики достлуқ алақиларни күчәйтишкә қошқан шәхсий һәссисигә жуқури баһа бәрди. Президент Қазақстанниң өзиниң ташқи сәясәт йолиниң варислиғи даирисидә Тунҗа Президент – Елбасы Нурсултан Назарбаевниң тәшәббуслирини әмәлгә ашурушни давамлаштуридиғанлиғини тәкитлиди. Қасым-Жомарт Тоқаев Президенти сүпитидә Европа иттипақи дөләтлири арисида биринчи болуп Германияни рәсмий сәпәр билән зиярәт қиливатқанлиғини тәкитләп, шерикликни техиму мустәһкәмләшниң муһим екәнлигини қәйт қилди. Дөләт рәһбириниң сөзичә, мәмликәтләр оттурисидики ихтисадий һәмкарлиққа вә сәясий өзара һәрикәткә қошумчә сүръәт бериш – мәзкүр сәпәрниң асасий мәхсити болуп һесаплиниду. ГФҖ Канцлери Ангела Меркель өз сөзидә Қазақстан Җумһурийитиниң Тунҗа Президенти Нурсултан Назарбаевниң Германия вә Қазақстан оттурисида өзара чүшәнчиниң жуқури дәриҗисиниң қолға кәлтүрүлүшигә чоң һәссә қошқанлиғини атап көрсәтти. Канцлер Қасым-Жомарт Тоқаев билән болуп өткән музакириләрниң үнүмлүк өткәнлигини тәкитләп, уларниң нәтиҗилириниң иккитәрәплимә алақиларни йеңи дәриҗигә елип чиқишқа имканийәт беридиғанлиғиға ишәнчә билдүрди. ... Дөләт рәһбири Берлинда шундақла ГФҖниң сабиқ канцлери Герхард Шрёдер билән музакириләрни өткүзүп, Қазақстан-Германия һәмкарлиғини кәңәйтиш имканийитини муһакимә қилди. Қасым-Жомарт Тоқаев Қазақстан вә Германия оттурисидики инвестициялик һәмкарлиқ дәриҗисиниң моҗут иқтидарға мувапиқ кәлмәйдиғанлиғини йәнә бир қетим әслитип өтүп, мәмликитимизниң ГФҖ инвестициясини җәлип қилиш бойичә планлири билән ортақлашти. Герхард Шрёдер Қазақстанда инвесторларни җәлип қилиш бойичә көрүлүватқан чариләрни жуқури баһалиди вә реал ихтисат секторлирида бирләшкән бизнес-лайиһиләрни әмәлгә ащуруш бойичә өз тәклиплирини оттуриға қойди. Сабиқ канцлерниң пикричә, Қазақстан пәқәт Германияниң чоң компаниялиригила әмәс, бәлки мошу мәмликәтниң кичик вә оттура тиҗарәт иқтидариғиму диққәт ағдуруши керәк. Дөләт рәһбири ГФҖға қилған рәсмий сәпириниң биринчи күни шундақла Германияниң Федерал Президенти Франк-Вальтер Штайнмайер биләнму музакириләрни жүргүзди. Президентлар өзара қизиқиш һасил қилидиған кәңдаирилик мәсилиләрни муһакимә қилди. Қасым-Жомарт Тоқаев мәмликәтлиримизни достлуқ мунасивәтлириниң бағлаштуруватқанлиғини, шуниң үчүн өзиниң Европа иттипақи дөләтлири арисида нәқ Германиягә биринчи болуп рәсмий сәпәр билән кәлгәнлигини тәкитлиди. Франк-Вальтер Штайнмайер буниңға миннәтдарлиқ билдүрүп, жүргүзүлгән музакириләрниң Қазақстан вә Германия һәмкарлиғини техиму күчәйтиш үчүн муһим екәнлигини тәкитлиди. ...Қазақстан Президенти Қасым-Жомарт Тоқаев ГФҖға қилған рәсмий сәпириниң иккинчи күни ГФҖниң сабиқ президенти Хорсит Келер, CLAAS Group компанияси байқиғучилар кеңишиниң рәиси Катрина Клаас-Мюльхойзер, Linde AG компаниясиниң иҗраий вице-президенти Кристиан Бух, Siemens Healthineerc компаниясиниң баш мудири Бернд Монтаг, Schaeffler Group компаниясиниң баш мудири Клаус Розенфельд, Мюнхен бехәтәрлик конференциясиниң рәиси Вольфанг Ишингер, Fraunhofer институти ташқи алақилар бөлүминиң мудири Йенс Ногебауэр билән учришишларни өткүзди. Қасым-Жомарт Тоқаев шундақла Берлин Евразия клубиниң 28-мәҗлисигә қатнишип, сөзгә чиқти. Президент өз сөзидә Тунҗа Президент Нурсултан Назарбаевниң тәшәббуси билән қурулған Берлин Евразия клубиниң өзиниң әһмийәткә егә екәнлигини испатлиғанлиғини тәкитлиди. – Мәзкүр диалог мәйдани Қазақстан-Германия вә Қазақстан-Европа мунасивәтлиригә тәәллуқ иҗтимаий-сәясий вә ихтисадий мәсилиләрниң кәң даирисини муһакимә қилиш үчүн чоң имканийәтләрни ачиду. Бу бизниң мәмликәтниң Европидики шу хилдики дәсләпки лайиһиси. Биз аләмшумул турақсизлиқ шараитида мундақ институтниң роли өсиду дәп һесаплаймиз, – деди Дөләт рәһбири.

36 рет

көрсетілді

0

пікір
Алдыңғы мақала Мустәқиллик Күни шәрипигә
Келесі мақала «Уйғур авази» гезитиға йезилдиңизму?

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

16 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы