• Саламәтликни сақлаш
  • 25 Желтоқсан, 2019

Муһакимә қилинди

Гөһәрбүви ИСМАЙИЛҖАНОВА, «Уйғур авази» Йеқинда Панфилов наһийәлик һакимийәтниң Мәҗлисләр залида наһийәлик истималчилар һоқуқини қоғдаш башқармисиниң рәһбәрлири, мәркизий ағриқхана вә наһийәдики барлиқ йезилиқ давалаш амбулаториялири хадимлири, мәктәпләр мудирлири билән балилар бағчилири йетәкчилири һәм шәһәр вә йеза округлири һакимлири, саһаға җавапкәр мутәхәссисләр баш қошти. Униңда ана вә бала саламәтлигини сақлаш, наһийәдә бүгүнки товарлар билән көрситилидиған хизмәтләр сүпити билән бехәтәрлигини назарәт қилиш бөлүми башлиғиниң «Гепатит-А» вә башқиму жуқумлуқ кесәлликлиригә қарши күрәш мәсилиси муһакимә қилинди. Мәҗлисни наһийә һакиминиң орунбасари, наһийәлик Уйғунлаштуруш кеңишиниң рәиси Роза Мағрупова елип барди. Тәкитләш керәкки, кейинки жилларда сериқ ағриғи билән наһийәдә бағчидики балилар вә мәктәп йешидикиләр ағримиған. Лекин Алмали йезисидики мәктәп оқуғучиси билән шәһәрдики Алтынсарин намидики мәктәпниң оқуғучилири мошу ағриққа дучар болған. Улар дәрру наһийәлик жуқумлуқ ағриқлар бөлүмигә ятқузулуп, давалиниватиду. Униң сәвәвини ениқлаш үчүн СЭС хадимлири тәкшүргән пәйттә мәктәпләрдики медицина хадимлириниң жавапкәрлигигә үзә қариши түпәйли, мундақ әһвалларға йол қоюлған, дегән хуласә чиқирилди. Бу баш қошушта наһийә һакиминиң орунбасари Р.Мағрупова наһийәдики оттура мәктәп мудирлири билән балилар бағчилириниң хадимлириниң өз ишиға чоң җавапкәрлик билән қарашқа чақирди. Тәкшүрүш нәтиҗисидә мәктәпләрдики санитарлиқ нормиларниң сақланмай келиватқанлиғини әскәртти. Уйғунлаштуруш кениңишидә бала туғулуши билән селинидиған вакцинилар һәққидиму сөз қозғалди. Ахирқи йәттә жилдин бери наһийә оқуғучилириниң бу хилдики ағриқларниң болдурмаслиғи мәхситидә планланған вакциниларниң селинмайватқанлиғи, болупму мошу «Гепатит-А» формиси вә қичишқақ ағриқлириға қарши вакциниларниң тапчил болуватқанлиғи һәққидә ечинишлиқ билән йәткүзди. Мәҗлис ахирида Роза Мағрупова қаралған мәсилиләр бойичә җавапкәр хадимларни җиддий әскәртип, кәлгүсидә орун алған камчилиқларни түзитиш вә мошу ишқа мунасивити бар хадимлар билән өзара һәмкарлиқта ишләш вәзиписини тапшурди. Панфилов наһийәси.

156 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы