• Спорт
  • 15 Қаңтар, 2020

«Шагиртлиримни баламдәк көримән»

Мәшүр САСИҚОВ, «Уйғур авзи» Тәҗрибилик мәшиқләндүргүчи Илияс Анайәтовниң шагиртлири арисида дуния чемпиони аталғанлар бар. Йеқинда униң йәнә бир шагирти – Хорлан Жаханша Нур-Султан шәһиридә грек-рим күриши бойичә өткән дуния чемпионатида 55 килограмм салмақ дәриҗисидә иккинчи орунға еришип, устазини хошаллиққа бөлиди. Чүнки 120 мәмликәттин кәлгән спортчилар иштрак қилған чемпионатта утуқ қазанған шагиртини Илияс ака кичигидин тәрбийиләп келиватиду. Йәнә келип, у спортниң бу түри бойичә Алмута вилайити бойичә бу балдаққа көтирилгән Нурбақыт Теңизбаев вә Демеу Жадыраевтин кейинки үчинчи адәм болуп һесаплиниду. Жирақ-йеқиндин шагиртиниң утуғи билән тәбриклишиватқан кәсипдашлириниң иллиқ тиләклиридин Илияс акиниң беши көккә йәтти. Бу һәққидә Илияс ака мундақ дәйду: «Хорлан билән Бағлан гезәкләр вә қабилийәтлик спортчилар. Мән уларни, хаталашмисам, иккинчи яки үчинчи синиптин башлап мәшиқләндүрүп келиватимән. Һазир уларниң йеши оттузға тақап қалсиму, спортни ташлиғини йоқ. Мәсилән, Бағлан 2013-жили Иранда һәрбийләр арисида өткән дуния чемпионатида биринчи орунни егилиди. Бу — униң тиришчанлиғиниң нәтиҗиси”. Мәшиқләндүргүчиниң ейтишичә, шагиртлириниң арисида мәшиқләргә бир-икки қетим келип қоюп, изи йоқайдиғанлар көп учришидиған охшайду. Һә, әнди бәзиләрни «кәлмә» десәңму, әлдин бурун залниң алдида «безирип» туриду. Әйнә шундақ балилардин һәқиқий спортчилар йетилип чиқидиғанлиғи ениқ. Мошу йәрдә сөһбәтдишимиз тоғрилиқ икки еғиз сөз. Илияс Анайәтов 2007-жилдин буян хәлиқара дәриҗидики мәшиқләндүргүчи. Өз саһаси бойичә Европа вә башқиму әлләрдә шәртнамә бойичә ишләп кәлгән. Әмгәк паалийитидә он спорт маһири, икки хәлиқара дәриҗидики спорт маһири, бир Қазақстанға хизмәт көрсәткән спорт маһирини тәрбийилигән. Өмрини яшларни сағлам һаят тәризигә чақирип, уларниң һәрқандақ илләтләрдин жирақ болушини истигән Илияс Анайәтов һазир Талғир наһийәсиниң Туздыбастав йезисида қириққа йеқин балини мәшиқләндүрүватиду.

207 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы