• Ақ халатлиқ инсанлар
  • 15 Қаңтар, 2020

Қоли йеник Мурат

Қазақстан һөкүмити медицина саһасиға алаһидә диққәт бөлүп, униңға миллиардлиған мәбләғ сәрип қиливатиду. Әнди медицина мутәхәссислириниң кәспий маһаритини техиму мукәммәлләштүрүш мәхситидә йүзлигән студентлар билән дохтур-врачларниң чәт әлләрдә әмәлий тәҗрибә алмаштуруп келиватқанлиғи әйнә шуниң ярқин ипадисидур. Мәшүр САСИҚОВ, «Уйғур авази» Йеқинда биз мошу саһаниң адими болушни балилиғидин арман қилип, һазир Алмута шәһиридики аммибап «Приват» клиникисида хирургия бөлүмини башқуруватқан, медицина пәнлириниң намзити Мурат Һәмраҗаноғли Аблизов Қазақстан Җумһурийитиниң Мустәқиллиги күни һарпсида «Медицина саһасиниң әлачиси» атилипту дегән хуш хәвәрни аңлап, у яқни тәбрикләп бардуқ. Тәбиитидин шундақму яки аилисидә алған тәрбийисиму, әйтәвир, Мурат бизни хуш чирай қарши алдидә, «Хәлқимизниң көзи һәм қулиғи вә һәрбир уйғур үчүн қиммәтлик гезитимиздин мениң хошаллиғимға ортақлишип кәлгиниңларға чәксиз миннәтдармән» деди кәмтарлиқ билән. Мурат Аблизов Алмута шәһиридики Ә.Шәрипов намидики 16-мәктәпни пүтирип, С.Асфендияров намидики медицина университетини тамамлиғанлиғи вә бираз жиллар Сызғанов намидики хирургия институтида ишлигәнлиги һәм жуқурида тәкитлигинимиздәк, 2009-жилдин буян, «Приват» клиникисида әмгәк қиливатқанлиғини қисқичә ейтиш билән чәкләнди. – Мурат, кейинки пәйтләрдә аһали арисида жүрәк ағриғиға дучар болуватқанларниң сани толиму көпийиватиду. Сән бу саһаниң беваситә мутәхәссиси сүпитидә буниң сәвәвини немидә дәп ойлайсән, — дәп соридуқ уни очуқ сөһбәткә җәлип қилиш мәхситидә. – Раст, һазир адәмләр арисида жүрәк кесилигә муптила болуватқанлар нурғун. Буниң асасий сәвәви, мениңчә, биринчидин, бизни қоршиған әтрап муһитниң паскинилишип кетишидин болса, иккинчидин, биз өзимизниң саламәтлигигә бепәрвалиқ билән қарайдиған зиянлиқ адәтлиримиздин кечәлмәйватимиз, тамака, спиртлиқ ичимликләр шулар җүмлисидиндур. Буниңдин ташқири, вақти-вақтида дохтурға көрүнүп турушниңму әһмийити зор дегән болар едим. Һәқиқәтәнму, һазир икки адәмниң бири «Жүрәк кесилим бар әмәсму. Йеқинда инфаркт яки инсульт алдим» дәйдиған болди. Буниңға бир яқтин, әлвәттә, бүгүнки экологияниң йәткүзүватқан әкси тәсирини аз дегәндәк, Мурат Һәмраҗаноғли ейтқан зиянлиқ нәрсиләр билән өзимизни өзимиз оғилаватқанлиғимизни чүшинидиған вақтимиз аллиқачан кәлгән болса керәк. Биз Мурат Аблизовни йәнә бир қетим тәбрикләп, ишиға утуқ тиләп хошлаштуқ.

27 рет

көрсетілді

0

пікір
Алдыңғы мақала Врач болса, Сәлимәмдәк болса

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

16 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы