• Йеңилиқлар
  • 15 Қаңтар, 2020

Һоқуқ қоғдаш хадимлири билән учрашти

Йеқинда Қазақстан Җумһурийити Парламенти Сенатиниң депутати Владимир Волков Әмгәкчиқазақ наһийәсидики һоқуқ қоғдаш органлириниң хадимлири билән учрашти. Рашидәм РӘҺМАНОВА, «Уйғур авази» Учришиш давамида сот вә һоқуқ қоғдаш саһалири бойичә қанунға киргүзүлгән өзгиришләр муһакимә қилинди. Конструктивлиқ диалог асасида өткән учришишта наһийә прокурориниң орунбасари Расул Көпбаев цифрлиқ ән селиш лайиһисини тонуштурди. Прокурор орунбасариниң ейтишичә, мәсилән, Әмгәкчиқазақ наһийәси Бәйтерек йезисиниң турғуни «М-ниң» 10 сийири йоқалди, дәйлуқ. Көп өтмәйла Җамбул яки Алакол наһийәлиридин у яқларда натонуш малларниң жүргәнлиги һәққидә әризә келип чүшиду. Малларни тиркәштин өткүзгән ветеринар яки участкилиқ полиция инспектори мал тенидики цифрлиқ бәлгү арқилиқ малниң кәлгән орнини, шу йәрдики кәсипдашлириниң телефон номерлирини ениқлаш имканийитигә егә болиду. Бу, өз новитидә, улар билән дәрһал хәвәрлишип, оғриланған мал һәққидә әхбарат елиш мүмкинчилигини яритиду. Мал егисигә қайтурулиду вә җинайәтчи тутулиду. Җинайәт қисқа вақит арилиғида ашкарилиниду. Ушбу лайиһә әмәлгә ашидиған болса, мал оғрилирини ашкарилайдиған амилларға сәрип қилинидиған мәбләғ қисқирап, гражданларниң мүлкини сақлап қелиш имканийитиниң туғулидиғанлиғи чоқум. Депутат өз сөзидә ушбу лайиһиниң тегишлик орунларда муһакимә қилинип, мал оғрилашқа қарши күрәш программиси ретидә қобул қилинип, әмәлгә ешиши керәклигини алаһидә тәкитлиди. Владимир Волков Ишиктә шәһиридики көпсаһалиқ ағриқханини зиярәт қилди. Наһийәниң баш врачи Жамиля Абеуова ағриқхана паалийити вә аһалиға көрситилидиған медицинилиқ ярдәмни тәрәққий әткүзүш вә униң сүпитини ашуруштики планлири һәққидә тәпсилий ейтип бәрди. Мәлумки, буниңдин бираз вақит илгири наһийәлик ағриқхана билән Ишиктә пәрзәнтханиси бириктүрүлүп, көпсаһалиқ ағриқханиға айланди. Һазир стационар вә пәрзәнтханида комплекслиқ автоматлаштурулған «ДамуМед» медицинилиқ системиси ишләйду. «Тез ярдәм» бөлүми аһалиға «Trіag» системиси бойичә хизмәт қилиду. Қошумчә қилиш лазимки, наһийәдә икки чоң ағриқхана бар. Әмгәкчиқазақ наһийәлик көпсаһалиқ ағриқханида 298 врач, 1286 һәмширә вә фельдшер, Челәк йезисиниң ағриқханисида 66 врач, 211 оттура мәхсус билимгә егә медицина хадими ишләйду. Әмгәкчиқазақ наһийәлик көпсаһалиқ ағриқханиниң стационарида – 315 орун, пәрзәнтханида – 110, Бәйдибек би йезисидики стационарда 60 орун бар. Шундақла бу йәрдә нейрореабилитация, кардиотерапия бөлүмлири моҗут. Түргүн, Бәйтерек, Бәйдибек би, Бижанов йезилиридики дәсләпки медицинилиқ-санитарлиқ ярдәм көрситиш пунктлири билән 37 йеза амбулаториясидиму аһалиға хизмәт қилиш өз дәриҗисидә. Әмгәкчиқазақ наһийәси.

473 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы