• Хәлиқ вәкиллири — хәлиқ арисида
  • 15 Қаңтар, 2020

Яркәнт тәвәсидә вә Уйғур наһийәсидә болди

Қазақстан Җумһурийити Парламенти Мәҗлисиниң депутати Шаһимәрдан Нурумов өткән һәптидә Панфилов вә Уйғур наһийәлиригә кәлди. Депутатни Яркәнт шәһиридә Панфилов наһийәсиниң һакими Талғат Өмирәлиев билән униң орунбасари Шөһрәт Қурбанов күтүвелип, наһийәниң иҗтимаий-ихтисадий әһвалидин тәпсилий хәвәрдар қилди. Шуниңдин кейин хәлиқ вәкили Панфилов наһийәсидики әң чоң йеза округлиридин һесапланған Бирлик йеза округиниң мәркизи Алтөй йезисидики Ә.Қастеев намидики оттура мәктәпкә қәдәм тәшрип қилди. Бирлик йеза округиниң һакими Рахманқул Әуелбеков депутатқа мәктәпниң тарихи вә бүгүнки нәпәси һәққидә тәпсилий әхбарат бәрди. Гөһәрбүви ИСМАЙИЛҖАНОВА, «Уйғур авази» Депутат билән учришишқа Бирлик йеза округи җамаәтчилигиниң вәкиллири, Әбилхан Қастеев намидики мәктәп муәллимләр коллективи билән медицина хадимлири вә яшлар қатнашти. Учришишни наһийә һакиминиң орунбасари Шөһрәт Қурбанов ечип, сөз новитини Ш.Нурумовқа бәрди. — Мән алди билән һәммиңларни қәдәм тәшрип қилған 2020-жил билән тәбрикләймән. Силәргә мустәһкәм саламәтлик, иш вә оқушлириңларға утуқ, аиләңларға бәхит вә хатирҗәмлик тиләймән, – деди Мәҗлис депутати. – Яркәнт тәвәси — бу көпмилләтлик тәвә. Елимиздә 130дин ошуқ милләт билән еләт истиқамәт қилса, пәқәт Яркәнт тәвәсидә 40тин ошуқ милләт дост, иҗил-инақ яшаватқанлиғини яхши билимән. Депутат болуп сайланғандин бери елимизниң барлиқ вилайәтлири билән шәһәр, йезилирини арилап, сайлиғучилар билән учришип, сөһбәтлишиватимән. Қайси регионға бармай, қазақстанлиқларниң һәммиси күч-қувитини мустәқил елимизниң тәрәққияти үчүн сәрип қиливатқанлиғниң, достлуқта яшап, әмгәк етиватқанлиғиниң гувачиси болуватимән. Бу достлуқниң уютқиси елимизниң Тунҗа Президенти — Елбасы Нурсултан Назарбаев болса, униң ишини давамлаштуруватқан Қазақстан Җумһурийитиниң Президенти Қасым-Жомарт Тоқаев екәнлигини алаһидә тәкитләймән. Наһийәдә нурғунлиған өзгириш-йеңилиқлар йүз бериветипту. Мән өзәм силәргә хошна Уйғур наһийәсидә муәллимләр аилисидә тәрбийә елип, өзәмму дәсләпки әмгәк паалийитимни устазлиқтин башлидим. Алимниңму, учқучниңму, деханниңму устаз қолидин учум болидиғанлиғини тәкитлигәч, “Устаз!” дегән бүйүк кәсип егисигә баш егимән. У бала тәрбийилигүчи, йәни келәчәк егилиригә сүпәтлик билим, аңлиқ тәрбийә бериватқан адәм. Шундақ екән, Йеңи жил һарписида «Педагог мәртивиси тоғрилиқ» қанун қобул қилинди. Муәллимләрни бу хошаллиғи билән тәбрикләймән. Педагоглар һәрхил кәлсә-кәлмәс тәкшүрүшләрдин, қәғәзвазлиқтин қутулиду. Муәллимләрниң һәрқандақ ишиға һәқ төлинидиған вақит кәлди. Муәллим биринчи новәттә өз кәспигә мунасип иҗадий издиниши арқилиқ бала тәрбийиси билән шуғуллиниши керәк. Чүнки келәчәк егилири һәртәрәплимә билимлик болуши лазим. Бу — дәвир тәливи. Шаһимәрдән Үсәйиноғли җамаәтчилик вәкиллирини қанун чиқириш оргинида йүз бериватқан өзгириш-йеңилиқлардин хәвәрдар қилди. Болупму көпбалилиқ аилиләргә төлинидиған адреслиқ иҗтимаий ярдәм тоғрисида тәпсилий чүшәнчә бәрди. Мәҗлис депутати қобул қилинған қанунлар, уларниң әмәлгә ешиши һәм шу қанунларға Қазақстан хәлқи Ассамблеясидин сайланған депутатлар топиниң арилашқанлиғини алаһидә тәкитләп өтти. Шундақла у бу жили нишанлинидиған сәнәләргә тохталди. Абай Қунанбаевниң 175 жиллиқ, Әл- Фарабиниң 1150 жиллиқ тәвәллудлири, ҚХАниң қурулғининиң 25 жиллиғи даирисидә өтүлидиған чарә-тәдбирләр тоғрисидиму ейтип, уларниң Яркәнт тәвәсидә мунасип атап өтүлидиғанлиғиға һәрбир турғунниң күч селишини халайдиғанлиғини йәткүзди. Учришиш давамида Алтөй йезисиниң турғунлири, әмгәк ветеранлири Яқуп Аюпов, Абдурахман Бейсембаев вә башқилар сөзгә чиқип, өзлирини ойландуруп келиватқан мәсилиләрни оттуриға қойди. Натиқлар шундақла Шаһимәрдан Нурумовниң депутатлиқ иш-паалийитигә йәниму зор муваппәқийәтләр тилиди. *** Әтиси Шаһимәрдан Үсәйин оғли Уйғур наһийәсиниң Чоң Дехан йезисидики оттура мәктәпниң мәҗлисләр залида Кичик Дехан йеза округи турғунлири билән учришип, уларниң проблемилири билән тонушти. Депутат сайлиғучиларниң пикир-тәклиплирини диққәт билән тиңшап, уларни әмәлгә ашуруш йолида һәрикәт қилидиғанлиғини тәкитлиди. Депутатниң бу сәпиридә униңға Уйғур наһийәсиниң һакими Шөһрәт Нурахунов һәмра болди.

20 рет

көрсетілді

0

пікір
Алдыңғы мақала Депутат аһали билән учрашти
Келесі мақала Көпчилик ғемидә жүргәнләр мунасип баһаланди

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

16 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы