• Асасий мақалилар
  • 05 Ақпан, 2020

Һәмкарлиқниң муһим йөнилишлири муһакимә қилинди

Қазақстан Президенти Қасым-Жомарт Тоқаев “Ақорда” сарийида Нур-Султанға рәсмий сәпәр билән кәлгән АҚШ дөләт кативи Майкл Помпеони қобул қилди. Қазақстан Президенти америкилиқ дипломатқа илтипат билдүрүп, дипломатик мунасивәтләр орнитилған пәйттин тартип, иккитәрәплимә мунасивәтләрниң утуқлуқ тәрәққий етиватқанлиғини тәкитлиди. – Америка Қошма Штатлири Қазақстанниң мустәқиллигини етирап қилған биринчи мәмликәт болуп һесаплиниду вә биз мошу тарихий фактни һәрдайим әстә тутумиз. Мәмликәтлиримиз оттурисида ядро қуралини тарқатмаслиқни, хәлиқара терроризмға қарши күришишни вә ихтисадий һәмкарлиқни қошуп һесаплиғанда, көплигән саһаларда наһайити қоюқ мунасивәтләр орнитилған. Шуниң билән бир вақитта мән биздә кооперацияни техиму кәңәйтиш үчүн пайдилинишқа болидиған яхши иқтидар бар дәп һесаплаймән, – деди Дөләт рәһбири. Қасым-Жомарт Тоқаев Нью-Йоркта БМТ Баш Ассамблеясиниң 74-сессияси даирисидә АҚШ Президенти Дональд Трамп билән болған қисқа учришиши тоғрилиқ әсләп, Америка лидериға әң изгү тиләкләрни йоллиди. Шундақла Қазақстан Президенти америкилиқ кәсипдиши билән дунияниң һәрқандақ йеридә учришишқа тәйяр екәнлигини, шундақ болсиму бу учришишниң Қазақстанниң өтүшини тоғра көридиғанлиғини ейтти. Тәрәпләр шундақла барлиқ йөнилишләр, шу җүмлидин сода, инвестицияләр, IT-технологияләр, демократик қәдрийәтләрни илгирилитиш вә хәлиқара терроризмға қарши туруш саһалирида иккитәрәплимә һәмкарлиқни чоңқурлитишниң муһим екәнлигини тәкитлиди. Президент Қазақстан Җумһурийитиниң Авғанстан бойичә мәхсус вәкили лавазимини тәсис қилиш нийитидә екәнлигини билдүрди. АҚШ ташқи сәясәт идарисиниң рәһбири сәмимий меһмандостлуқ үчүн миннәтдарлиқ изһар қилип, мәмликәтлиримизниң ихтисат саһасида, хәлиқара течлиқ вә турақлиқни һимайә қилишта ишәшлик шерикләрдин екәнлигини тәкитлиди. – Биздә әҗайип ихтисадий мунасивәтләр қелиплашти. Мәмликәтлиримиз оттурисида уттур һава қатнишини орнитиш имканийити қариливатиду. Энергетика йөнилишидики һәмкарлиқтин ташқири башқа саһалардиму алақиларни тәрәққий әткүзүш үчүн чоң иқтидар моҗут. Президент Дональд Трамп мениңдин шәхсий салимини йәткүзүшни илтимас қилди вә мән мошу йәрдә болуватқанлиғимдин наһайити хурсәнмән, – деди Майкл Помпео. Америка дипломати Қазақстанниң “Жусан” операцияси даирисидә Йеқин Шәриқтики уруш һәрикәтлири зонисидин гражданларни қайтуруш бойичә күч чиқиришлирини жуқури баһалиди. Дөләт кативи шундақла Қазақстан Җумһурийитиниң Авғанстанда течлиқни әслигә кәлтүрүшкә, мошу мәмликәтниң ихтисадий вә инсан иқтидарини күчәйтишкә қошқан һәссисини тилға алди. Майкл Пампео Қазақстанда әмәлгә ашурулуватқан сәясий өзгиришләрни иҗабий баһалиди вә уларниң утуқлуқ әмәлгә ашурулушиға тиләкдашлиқ билдүрди. Сөһбәтдашлар униңдин ташқири регионлуқ һәм аләмшумул күн тәртивигә мунасивәтлик муһим мәсилиләрни муһакимә қилди. АҚШ дөләт кативи АҚШниң Мәркизий Азия бойичә йеңи Стратегиясиниң асасий қаидилири тоғрилиқ хәвәрдар қилди. Қасым-Жомарт Тоқаев билән Майкл Пампео Һава қатниши тоғрилиқ һөкүмәтләрара келишимниң имзалинишини мақуллиди. “Очуқ асман” принциплириға җавап беридиған мәзкүр һөҗҗәт Қазақстан вә АҚШ оттурисида уттур мунтәзим рейсларни учуруш үчүн һоқуқ асасини яратти.

209 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы