• Акция
• 12 Ақпан, 2020

Биз – Ғалибийәт варислири

Рашидәм РӘҺМАНОВА, «Уйғур авази» Улуқ Ғалибийәтниң 75 жиллиғиға мунасивәтлик «Биз – Ғалибийәт варислири» эстафетиси башланди. Униң мәхсити – қазақстанлиқ җәңчиләрниң Улуқ Вәтән урушидики әрлигини, вәтәнпәрвәрлик вә инсаний қәдрийәтлирини тәрғибат қилиштин ибарәт. Мәзкүр эстафета өткән дүшәнбидә Ишиктә шәһиридә башланди. Униңға Улуқ Вәтән урушиниң ветеранлири Музәппәр Шәрипов вә Солтанбай Жарықбасов, студентлар, 6654 һәрбий бөлүми әскәрлири вә мәктәп оқуғучилири қатнашти. Эстафета иштракчилири Ишиктә шәһириниң мәркизидики Улуқ Вәтән урушида қаза болған жутдашлар хатирисигә орнитилған ядикарлиққа гүлчәмбәрләр қоюп болғандин кейин мәрасим Т.Молдағалиев намидики наһийәлик Мәдәнийәт өйиниң мәйданида давамлашти. Әмгәкчиқазақ наһийәсиниң һакими Бинәли Ысқақ 5881 әмгәкчиқазақлиқ җәңчиниң Улуқ Вәтән урушидики җасарити һәққидә ейтип өтти вә наһийәдин 15 нәпәр Кеңәш Иттипақи Қәһриманиниң чиққанлиғини пәхирлиниш илкидә тилға алди. Андин Қаракемер йезисидики 6654-һәрбий бөлүми командириниң вәзиписини атқурғучи полковник Бауыржан Қабылбеков Панфилов намидики 8-гвардиялиқ мото-атқучилар дивизиясиниң Җәңгиварлиқ Туғиниң көчәрмисини тапшурувалди. Әмгәкчиқазақ наһийәси.