• Йеңилиқлар
  • 12 Ақпан, 2020

Миллий оюндин мусабиқә

Сабирәм ӘНВӘРОВА, «Уйғур авази» Йеқинда Уйғур наһийәлик Яшлар ресурслуқ мәркизиниң уюштуруши билән елимизниң Тунҗа Президенти – Елбасы Нурсултан Назарбаевниң «Келәчәккә нишан: мәнивий йеңилиниш» мақалиси даирисидә, қазақ хәлқиниң улуқ шаири Абай Қунанбаевниң туғулғининиң 175 жиллиғиға беғишланған тоғызқұмалақ бойичә мусабиқә болуп өтти. Мәзкүр мусабиқигә наһийәдики яш мутәхәссисләр қатнашти. Улар икки топқа бөлүнүп, өзара күч синашти. Униңда алаһидә көзгә чүшкән айрим оюнчилар финалда учрашти. Мусабиқигә Уйғур наһийәлик балилар вә өсмүрләр спорт мәктивиниң мәшиқләндүргүчиси Эльмира Сартбаева билән униң ярдәмчилири Перизат Ермекқызы вә Гүлнисәм Ярмуһәммәтова қазилиқ қилди. Қизиқарлиқ өткән оюн нәтиҗиси бойичә биринчи орун 4-Чонҗа оттура мәктивиниң хадими Меруерт Махсутоваға буйриди. Иккинчи орунға Сүмбә оттура мәктивидин кәлгән Еркин Хумарбек сазавәр болса, Ж.Қудайбергенов намидики 2-Чонҗа оттура мәктивиниң мутәхәссиси Улан Тоқтасын мукапатлиқ үчинчи орунға еришти. Шундақла яхши оюн көрсәткәнлиги үчүн Рахат оттура мәктивиниң мутәхәссиси Ерасыл Сансызбаев, А.Розибақиев намидики билим дәргаһиниң хадими Бақкелди Абек, Ширин оттура мәктивидин кәлгән Ядгар Бешировлар Пәхрий ярлиқлар билән тәғдирләнди. Мусабиқә ғалиплири Яшлар ресурслуқ мәркизи тәрипидин тәйярланған маддий вә мәнивий соғилар билән мукапатланди.

414 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы