• Йеңилиқлар
  • 12 Ақпан, 2020

Баш муфти сайланди

Йеқинда Қазақстан Мусулманлири диний башқармисиниң новәттин ташқири ІХ қурултийи өткүзүлүп, униңда Наурызбай қажы Тағанулы Диний башқарминиң йеңи рәиси – Алий муфти болуп сайланди. Қурултайда әхбарат вә җәмийәтлик разимәнлик министри Дәурен Абаев 2017-жилдин етиварән Қазақстан Мусулманлири Диний башқармисиниң рәиси вә Алий муфти лавазимида ишлигән Серикбай қажы Оразниң ишини жуқури баһалиди. Шундақла ҚМДБниң йеңи сайланған рәисиниң паалийитигә утуқ тилиди. Муфтийәт новәттин ташқири ІХ қурултайға 300 делегат қатнашқанлиғини хәвәр қилди. Улар ҚМДБ рәиси вә Алий муфти лавазимиға көрситилгән йеңи намзатни қоллап, йәкдиллик билән аваз бәрди. – Наурызбай қажы Тағанулы мениң биринчи орунбасарим болуп ишлигәндә, көплигән изгү лайиһиләрни әмәлгә ашурди, – дәп тәкитлиди сабиқ рәис Серикбай кажы Ораз. – Дин саһасида чоң иш тәҗрибисигә егә. Униң Диний башқарма ишини техиму җанландуридиғанлиғиға ишинимән. Наурызбай қажы Тағанулы ҚМДБниң рәиси вә Алий муфти сүпитидә бәргән биринчи сөһбитидә қурултай қатнашқучилириға ишәнчә билдүргәнлиги үчүн миннәтдарлиқ изһар қилди. У 2020-жилниң Диний башқарма үчүн юбилейлиқ жил болуп һесаплинидиғанлиғини вә әйнә шуниңға бағлиқ миқияслиқ чарә-тәдбирләрниң көздә тутулғанлиғини тәкитлиди. – Барлиқ вилайәтләрдин пайтәхткә қурултайға кәлгән қатнашқучиларниң һәммиси мениң намзитимни яқлиди, – дәп миннәтдарлиқ билдүрди Наурызбай қажы. – Уларниң ишәнчисини ақлаш үчүн барлиқ күч-қувитимни сәрип қилимән. Көздә тутулған миқияслиқ лайиһиләрниң бири ҚМДБниң 30 жиллиғиға бағлиқ, у 2020-жили 12-январьда атап өтүлди. Юбилей даирисидә 30 мечитқа Қазақстан хәлқиниң бәхит-саадити үчүн әмгәк қилған атақлиқ шәхсләрниң исмини бериш планлиниватиду. Униңдин ташқири 30 аһалилиқ пунктқа су проводлирини тартиш вә йолларни җөндәш мәсилисидә ярдәм қилиш, муһтаҗ болуватқан аилиләргә хәйрихаһлиқ көрситиш, 30 мечитниң җөндәш ишлирини тамамлаш, студентларға грант бөлүш көздә тутулуватиду. Һәммиңларни мошу изгү ишларға паал қатнишишқа вә ярдәм қилишқа чақиримән. Наурызбай қажы Тағанулы Өтпенов ҚМДБ рәисиниң биринчи орунбасари вә “Хазрет Султан”мечитиниң баш имами болуп ишлиди. Алий диний мәлуматни Ташкәнттики имам әл-Бухари намидики Ислам институтида алди. Андин кейин ҚМДБ йенидики Ислам институтида оқушини давамлаштурди. 2010-жили Абай намидики ҚазМПУни сирттин оқуп тамамлиди. Бу йәрдә у “диншунаслиқ” мутәхәссислиги бойичә магистратурида тәһсил көрди. Наурызбай Өтпеновниң рәһбәрлигидә 2002–2005-жилларда Аягөздә мәркизий мечит вә “Жаңааул” мечити селинди. У шундақла Қарағанда мәркизий мечитиниң қурулушиға актив ярдәмләшти. Қарағанда вилайитидә “Сұлу әлем”, “Нұрлы мінбер”, “Жұлдызды гол” лайиһилирини әмәлгә ашурди. Диний мақалиларниң вә “Үміт сәулесі”, “Мазһабсызбен сұхбат” намлиқ китапларниң муәллипи. “Құрмет” ордени вә Қазақстан Җумһурийитиниң мустәқиллик шәрипигә тәсис қилинған юбилейлиқ медальлар билән мукапатланған. Аягөз шәһириниң пәхрий граждани. Өйләнгән. Төрт балиниң атиси.

23 рет

көрсетілді

0

пікір
Алдыңғы мақала Лидерлиқ стратегияси
Келесі мақала Йеңи вице-премьер тайинланди

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

23 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы