• Йеңилиқлар
  • 12 Ақпан, 2020

Җумһурийәтлик фронт-идарә ечилди

Дөләт рәһбири Қасым-Жомарт Тоқаев Нур-Султан шәһиридә Bіrgemіz җумһурийәтлик пидаийлар фронт-идарисиниң ечилишиға қатнашти. – Пидаийлиқ – бу қәлб әмри. Пидаийлар – бу ихтиярийлар. Мән бүгүн Қазақстандики пидаийлар һәрикитиниң пәхрий әлчиси болушқа келиштим. Мениң пәвқуладдә вә толуқ һоқуқлуқ әлчи дипломатик дәриҗәм бар, бирақ пидаийлар һәрикитиниң пәхрий әлчиси мәртивисиниму муһим һесаплаймән. Бу мениң үчүн чоң шәрәп. Шуңлашқа биз биллә ишләйдиған болумиз, – деди Қасым-Жомарт Тоқаев. Фронт-идарә – бу мәслиһәт, методикилиқ, оқутуш, әхбарат мәркизи. Униң хадимлири пүткүл Қазақстан бойичә пидаийлар лайиһилирини уйғунлаштуриду. Уюштурғучиларниң мәлуматлириға қариғанда, лайиһиләр яшларниң ресурс мәркәзлири мутәхәссислиридин, гражданлиқ мәркәзләр, һөкүмәтлик әмәс тәшкилатлар вәкиллиридин тәркип тапқан регионлуқ уйғунлаштурғучилар арқилиқ ишқа қошулиду. Униңдин ташқири фронт-идарә асасида пидаийлиқ мәсилилири бойичә аһалиға мәслиһәт беридиған бирпүтүн алақә мәркизи ишләйду. У пүткүл җумһурийәт бойичә аһали үчүн ишләйдиған бирпүтүн һәқсиз номерға егә болиду. Шундақла регионлуқ мәшиқләндүргүчиләрни тәйярлаш вә оқутуш, семинарларни өткүзүш планланмақта. Лайиһә тәшәббускарлириниң пикричә, мошуниң һәммиси җәмийәтлик, пидаийлиқ тәшкилатларни вә дөләт органлирини лайиһиләрни әмәлгә ашурушқа кәң җәлип қилиш, ахирқи иш нәтиҗилири үчүн җавапкәрликни ашуруш имканийитини бериду.

18 рет

көрсетілді

0

пікір
Алдыңғы мақала Йеңи вице-премьер тайинланди
Келесі мақала Даналарниң данаси

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *