• 1-март – Миннәтдарлиқ күни
• 27 Ақпан, 2020

Көпчиликкә миннәтдарлиқ

Аилидики әң чоң хошаллиқ – пәрзәнт сөйүш. Аялим иккимиз кечә-күндүз дуа қилип, Алладин пәрзәнт соридуқ. Төрт жилдин кейин тақәтсизлик билән күткән қизимиз Диляра дунияға кәлди. Бирақ шатлиғимиз узаққа созулмиди. Күтүлмигән йәрдин бешимизға ғәм-қайғу чүшти. Дохтурлар бәш айлиқ қизимизниң икки көзидә хәтәрлик ишшиқниң (ретинобластома) барлиғини ениқлиди. Уни елимиздә давалаш иҗабий нәтиҗисини бәрмиди. «Әл етиги – кәң» дегән гәп бекар әмәс екән. Қизимиз көзидин айрилиш ховупи алдида турғанда, көпчиликкә мураҗиәт қилишқа мәҗбур болдуқ. Бизниң бу аһу-заримиз Алланиң вә униң сехи-мәрт бәндилириниң қулиғиға йетип, сахавәтлик инсанлар бизгә ярдәм қолини сунуватиду. Мошу күнгичә Уйғур наһийәсиниң йезилирида хәйрихаһлиқ акциялири өткүзүлүп, хелә мәбләғ топланди. Панфилов наһийәсиниң җамаәтчилигигә, Уйғур наһийәсиниң турғунлириға Алмута шәһиридики Султанқорған вә Горный Гигант мечит қомилириға вә һесап-чотлиримизға халис ярдимини әвәтиватқан җимики қериндашлиримизға аилимиз намидин чәксиз миннәтдарлиғимизни билдүримиз. Бизгә қилған яхшилиқлириңлар үчүн Алла силәрдин рази болсун! Қизимиз һазир Түркиядә давалинишқа башлиди. Бирақ у операцияниң мурәккәплиги түпәйли, һелиму хираҗәт йетишмәйватиду. Әзиз, қериндашлар, барлиқ үмүт силәрдә. Қизим силәрниң ярдимиңларға муһтаҗ. Уни төвәндики карточкиға әвәтишиңларға болиду: Kaspі Gold 5169 4971 5891 9286 8-707-773-82-92. ИИН 920517401295 Алдияр НАСИРОВ. Уйғур наһийәси.