• Әхбаратлар еқими
• 11 Наурыз, 2020

Күтүлмигән соға

Рашидәм РӘҺМАНОВА, «Уйғуравази» «Қазпошта» акционерлик җәмийитиниң Әмгәкчиқазақ наһийәлик шөбисигә пенсия, ярдәм һәққи вә башқиму иҗтимаий төләмлирини елиш үчүн кәлгәнләрни шөбә хадимлири гүлләр билән күтүвалди. Атап кетиш керәкки, бу акция бийил иккинчи мәртә әмәлгә ешиватиду. Нураний анилар билән гөзәл ханим-қизларни наһийәлик шөбиниң башлиғи Диас Қосыбаев вә униң орунбасари Гүлинур Сулайманова тәбриклиди. – «Қазпошта» жилдин-жилға тәрәққий етиватиду. Йеқинда банкомат, терминал кәби технологияләрни орнаттуқ. Бу болсиму, узун жиллар җәмийәткә хизмәт қилип, һалавитини көрүватқан силәрниң новәттә узақ туруп, һерип қалмаслиғиңлар үчүн әмәлгә ешиватиду. Буниңдин башқиму хизмәтләр түри нурғун. Наһийәлик шөбә херидарлири үчүн қолидин кәлгинини айиған әмәс. Буниңдин кейинму шундақ болиду. Әң муһими, һәрбиримизниң өйиниң бәрикити болған анилар, һәдә-сиңиллар вә қизлиримиз аман болсун! – деди Диас Талғатулы. Шундақла у шөбә тәркивидә наһийәниң барлиқ регионлирида әлгә хизмәт қиливатқан алақә хадимлириниму тәбрикләп, соғилирини тапшурди. Өз новитидә, херидарлар намидин сөз алған Бөлек йезисиниң турғуни Сара Сапарова мәйрәмлик кәйпият һәдийә қилған «Қазпошта» акционерлик җәмийитиниң Әмгәкчиқазақ наһийәлик шөбисигә сәмимий миннәтдарлиғини билдүрүп, изгү тиләклирини билдүрди. Әмгәкчиқазақ наһийәси.