• Хәйрихаһлиқ
  • 11 Наурыз, 2020

«Җәннәт аниларниң тапининиң астида»

Мәшүр САСИҚОВ, «Уйғур авази» Җамбул наһийәсиниң Қарғалы йезисиға бизни мәхсус тәклип қилишти. Һә, бу жутта 8-Март Ханим-қизлар мәйримигә беғишланған мәрасим өтмәкчи. Хелила бурун келивалғачқа биз мәрасим башланғичә жутниң баш жигитбеши Рәпқәт Мәхсүтов билән Ханим-қизлар кеңишиниң рәиси Дилбәргүл Садаровани сөһбәткә җәлип қилдуқ. – Жигитбеши болуп сайланғинимға көп болмиди – деди Рәпқәт Мәхсүтов. – Шундақ болсиму, қолумиздин кәлгиничә көпчиликниң хизмитини қилишқа тиришиватимиз. Билмигән йеримиз болса, мәслиһәт беридиған ақсақаллиримиз бар, шулар йол-йоруқ көрситип туриду. Өзәңларға мәлум болғинидәк, йезимизда һәрхил милләт вәкиллири яшайду. Шуңлашқа һазирқи вәзийәткә бола, бүгүнки күндә биз, биринчи новәттә, амма арисида милләтләрара разимәнликни сақлаш вә йоқилаң нәрсиләрдин туғулидиған тоқунушларниң алдини елишқа күч селиватимиз. Буниңдин ташқири, худаға шүкри җамаитимиз җәм, башқилардин қелишмай дегәндәк, той-төкүн вә нәзир-чирақларни миллий-урпи-адәт, рәсим-қаидилиримиз бойичә, өткүзүп келиватимиз. – Рәпқәт акамниң сөзлиригә толуқ қошулимән – дәп сөһбитимизгә арилашти Ханим-қизлар кеңишиниң рәиси Дилбәргүл Садарова. – Махтансақ махтанғидәк йәрлиримиз йетәрлик. Жутумиз инақ. Бир-биримизни нери тур, бери тур демәймиз. Һәрқандақ ишни бамәслиһәт қилиш әнъәнигә айлинип кәткән. Шуңлашқимекин, бүгүн силәр дахил болуватқан мәрасим, йәни жутумизниң нураний анилири билән ханим-қизлириниң бешини қошуп, уларни тәнтәнилик рәвиштә 8-Март мәйрими билән тәбрикләш тоғрилиқ Рәпқәт акамға ейтиведим, у яқ мени дәрһал қоллап-қувәтлиди. У пәқәт еғиздила әмәс, бәлки жут активистлири билән бирликтә барлиқ кам-котимизға ярдәмләшти. Әлвәттә, мән уларға чәксиз миннәтдарлиғимни билдүримән. Шундақ қилип, мәйрәмгә тәклип қилинған аниларни бирхил миллий кийимләрни кийгән яш қизлар қоллирини көксигә қоюп, саламлишип, «Мәйримиңлар мубарәк болсун!» дәп қарши алмақта. Дуниядики әң меһриван, қәлби дәрия Аниларға буниңдин артуқ һечнәрсә керәкму әмәс. Иллиқ бир еғиз тиләк билән биртал гүл уларға аләмчә шатлиқ һәдийә қилиду. Бу дәқиқиләрниң гувачиси болуп туруп, бәзидә биз, хам сүт әмгән бәндиләр, әшу дилкәш һәм дайим сениңла ғемиң билән яшайдиған инсанларни ядимиздин чиқирип қойидиғанлиғимиз хиялимға кәлдидә, өзәмни намәртләр қатариға кирип қалғандәк һис қилип қалдим... Мәрикә мәлиниң сабиқ жигитбеши Барат Рәһманов билән Ханим-қизлар кеңишиниң рәиси Зоһра Рәһманова, Рәпқәт Мәхсүтов, Дилбәргүл Садарова, «Азия бүгүн» гезитиниң баш муһәррири, шаирә Ташгүл Һезиярова вә Узунағаш йезисиниң Ханим-қизлар кеңиши рәиси Гүлнарәм Садированиң тәбриги билән башланди. Улар аниларға иллиқ тиләклирини ейтса, «ТURK AZ» уссул ансамблиниң әзалири әвришим уссуллирини тәғдим қилди. Умумән, яш қиз-жигитләрдин тәркип тапқан жут активистлири изгү нийити билән бу күни йүздин ошуқ Аниға хуш кәйпият беғишлап, уларниң дуасини алғанлиғи һәқ. «Җәннәт аниларниң тапининиң астида» демәкчи, һәрқандақ мәдһийә, һәмдусаналарға лайиқ Аниларни рази қилалиған қарғалилиқларниң яхшилиқлири көп болидиғанлиғиға ишәнчимиз камил. Җамбул наһийәси.

6638 рет

көрсетілді

29

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы