• Җәмийәтлик тәшкилатларда
  • 11 Наурыз, 2020

Шөбиниң йеңи рәиси сайланди

Рашидәм РӘҺМАНОВА, «Уйғур авази» Йеқинда Әмгәкчиқазақ наһийәси Челәк йезисиниң Мәдәнийәт өйидә Әмгәкчиқазақ наһийәлик Уйғур этномәдәнийәт мәркизи Челәк регионлуқ шөбисиниң һесават-сайлам жиғини болуп өтти. Униңға Әмгәкчиқазақ наһийәлик ички сәясәт бөлүминиң рәһбири Мөмүнҗан Исламов, Челәк йеза округиниң һакими Есенғали Есенханов, Әмгәкчиқазақ наһийәлик Уйғур этно-мәдәнийәт мәркизиниң рәиси Сулайман Мәхсутов, орунбасарлири Нурбүви Насирова вә Үсәнҗан Абдрахманов, җумһурийәтлик Уйғур этномәдәнийәт мәркизи рәисиниң орунбасари, «Уйғур авази» гезитиниң баш муһәррири Ершат Әсмәтов, ҖУЭМниң иҗраий мудири Зихруллам Қурванбақиев, ҖУЭМниң Алмута шәһәрлик шөбисиниң рәиси Әбәйдуллам Җаппаров, Алмута вилайәтлик Уйғур этномәдәнийәт мәркизиниң рәиси Закирҗан Кузиев, шундақла ҖУЭМниң башқарма әзалири Модәнгүл Җүмәева, Долқунтай Абдухелил, Әркин Җүмәев вә жигитбашлири, ханим-қизлар кеңәшлириниң рәислири қатнашти. Регионлуқ шөбиниң иҗраий мудири Мурат Ибрагимов жиғинниң күн тәртивини бәкиткәндин кейин мәркәзниң Челәк регионлуқ шөбисиниң һесавити тиңшалди. Андин шөбини йәттә жил башқурған Майдин Абдуллаев бәлгүлүк сәвәпләргә бағлиқ наһийәлик Уйғур этномәдәнийәт мәркизиниң Челәк регионлуқ шөбисиниң рәиси вәзиписидин кетиш қарариға кәлгәнлигини ейтти. Әмгәкчиқазақ наһийәлик Уйғур этномәдәнийәт мәркизиниң Челәк регионлуқ шөбисиниң рәислигигә шөбиниң иҗраий мудири Мурат Ибрагимовниң, мәдәнийәт кеңишиниң рәиси Нурҗамал Һасанованиң вә Челәк региониниң баш жигитбеши Һебибуллам Абдуллаевниң намзатлири көрситилди. М.Ибрагимов билән Һ.Абдуллаев өз намзатлирини еливетишни илтимас қилғандин кейин, көпчилик авази билән Нурҗамал Һасанова, Әмгәкчиқазақ наһийәлик Уйғур этномәдәнийәт мәркизиниң Челәк региони бойичә рәиси болуп сайланди. Тәвәниң баш жигитбеши Һебибуллам Абдуллаев, Ханим-қизлар кеңишиниң рәиси Гөһәрбүви Идрисова, Анилар кеңишиниң рәиси Җәннәтбүви Абдурешитова, Яшлар кеңишиниң рәиси Мунардин Һосманов рәисниң орунбасарлири болуп сайланди. Шундақла 17 адәмдин тәркип тапқан башқарма әзалири бәкитилди. Нурҗамал Алимҗанқизи ҺАСАНОВА Нурҗамал Алимҗанқизи Һасанова 1967-жили Челәк наһийәсиниң Байсейит йезисида туғулди. Исмайил Тайиров намидики оттура мәктәпни алтун медальға тамамлап, Алмутидики Сода техникумида тәһсил көрди. Андин әмгәк паалийитини Алмута Политехника институтида башлиди. 2006-жилдин бери оттура вә кичик тиҗарәт билән шуғуллинип, йезиниң нурғунлиған ишсизлирини иш билән тәминлимәктә. Шундақла Байсейит вә униң әтрапидики миллий мәктәпләр, сәнъәт, мәтбуатимизни, тәминати төвән аилиләрни, мүмкинчилиги чәкләнгән инсанларни маддий җәһәттин қоллап-қувәтләп кәлмәктә. Нурҗамал Һасанова бәш жилдин бери җәмийәтлик ишларға паал арилишип келиватиду. 2014-жили у Әмгәкчиқазақ наһийәлик Уйғур мәдәнийәт мәркизиниң Челәк регионлуқ Ханим-қизлар кеңишигә рәһбәрлик қилди. Ахирқи жилларда болса, мәдәнийәт кеңишиниң рәиси хизмитини атқурди. Аилиси, үч пәрзәнди бар. Әмгәкчиқазақ наһийәси.

54 рет

көрсетілді

0

пікір
Алдыңғы мақала Алмута шәһириниң баш жигитбеши сайланди
Келесі мақала Жигитбашлири кеңишиниң жиғини өтти

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

16 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы