• Йеңилиқлар
  • 18 Наурыз, 2020

Нур-Султан вә Алмутида карантин тәртиви җарий қилинди

Қазақстан Җумһурийитиниң Президенти йенидики Пәвқуладдә әһвал тәртивини тәминләш бойичә дөләт комиссияси бүгүндин башлап Нур-Султан вә Алмута шәһәрлиридә карантин тәртивини җарий қилди. Қазақстан Җумһурийитиниң Премьер-министри Асқар Маминниң рәислигидә Қазақстан Җумһурийитиниң Президенти йенидики Пәвқуладдә әһвал тәртивини тәминләш бойичә дөләт комиссиясиниң мәҗлиси болуп өтти. Мәҗлистә саламәтликни сақлаш министри Елжан Биртанов, Премьер-министрниң орунбасари Ералы Тоғжанов, Нур-Султан вә Алмута шәһәрлириниң һакимлири Алтай Көлгинов билән Бақытжан Сағынтаев, мудапиә вә ички ишлар министрлири Нурлан Ермекбаев билән Ерлан Турғумбаев, шундақла Қазақстан Җумһурийити Президентиниң Мәмурийити рәһбириниң орунбасари Мәлик Мурзалин Нур-Султан вә Алмута шәһәрлиридики санитария-эпидемиологиялик вәзийәт вә әһвал тоғрилиқ доклад қилди. Нур-Султан вә Алмута шәһәрлиридә COVID-19 тарқилишиға бағлиқ вәзийәтниң мурәккәплиниши һесапқа елинип, шундақла таҗсиман вирусниң Қазақстанниң башқа шәһәрлиригә тарқилишиниң алдини елиш мәхситидә Дөләт комиссияси Нур-Султан вә Алмута шәһәрлиридә қошумчә чәкләш, профилактикилиқ вә эпидемиягә қарши чариләрни җарий қилиш тоғрилиқ қарар қобул қилди. Җарий қилинған чариләр төвәндикиләрни көздә тутиду: – карантин җарий қилиш вә миқияслиқ санитарлиқ-антиэпидемиологиялик чарә-тәдбирләрни әмәлгә ашуруш; – карантин зониси периметрини бәлгүләш вә униңға кириш/чиқиш пунктлирини ениқлаш; – адәмләрниң меңишини, шундақла транспорт васитилириниң кириш/чиқишини чәкләш; – үч категория: вирус җуққанлар, жуқти дәп гуман қилиниватқанлар, карантиндикиләр үчүн мәхсус давалаш мәһкимилириниң тохталсиз ишлишини тәминләш; – гражданларниң йөткилишини чәкләш үчүн, аһалини озуқ-түлүк билән тәминләшни уюштуруш вә һаят-паалийәт системисиниң ишлишини уюштуруш үчүн қолайлиқ болған шәһәр территориясиниң секторлирини вә уларниң чегарилирини бәлгүләш; – җәмийәтлик транспортниң күндүзи қатнишини тохтитиш яки чәкләш вә түндә қатнишини тохтитиш; – улардики озуқ-түлүк мәһсулатини вә дора-дәрмәкләрни сатидиған объектлардин башқа, озуқ-түлүккә мунасивити йоқ сода базарлириниң, чоң сода-оюн-тамашә мәркәзлириниң вә сода өйлириниң ишини тохтитиш; – санитарлиқ-антиэпидемиологиялик чариләрни күчәйтип, “херидарғичә йәткүзүш” принципи бойичә җәмийәтлик тамақлиниш объектлириниң йеңи иш тәртивини бәлгүләш; – аһалиға хизмәт қилиш мәркәзлириниң иш тәртивини қайта уюштуруш; – карантин зонилири вә һәрбир сектор аһалисиниң озуқ-түлүк мәһсулатиға, дора-дәрмәкләргә, һаят-паалийәт һаҗәт нәрсиләргә вә биринчи новәттә зөрүр товарларға болған тәвлүклүк еһтияҗини ениқлаш; – җәмийәтлик транспорт қатнишиниң азийишини һесапқа елип, карантин зонисиниң һәрбир сектори үчүн сода вә озуқ-түлүк мәһсулати һәм биринчи новәттә һаҗәт болидиған товарлар билән тәминләш мәркәзлирини бәлгүләш; – тәшкилий характерға егә башқа чариләр.

47 рет

көрсетілді

0

пікір
Алдыңғы мақала Мукапат – бир бөлмилик өй вә... мәслиһәтчи
Келесі мақала Тунҗа Президент йоли – мустәқиллигимизниң тарихи

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

23 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы