• Йеңилиқлар
  • 18 Наурыз, 2020

Тунҗа Президент йоли – мустәқиллигимизниң тарихи

Қариғандида Қазақстан хәлқи Ассамблеясиниң “Тунҗа Президентниң йоли билән” Хәлиқ экспедицияси” – “Кемеңгерліктің дара жолындағы Ұлы тұлға” лайиһисиниң новәттики басқучи болуп өтти. Униңға ҚХА Рәисиниң орунбасари Жансейит Түймебаев, Қариғанда вилайитиниң һакими Жеңис Қасымбек, Алмута шәһири һакиминиң орунбасари Ержан Бабақумаров, Қазақстан Җумһурийити Парламентиниң депутатлири, Қазақстан Җумһурийитиниң Тунҗа Президенти – Елбасыниң сәпдашлири, җәмийәт әрбаплири, алимлар вә иҗаткар зиялилар, яшлар, ҚХА әзалири, этномәдәнийәт бирләшмилириниң рәһбәрлири қатнашти. Мәзкүр лайиһә ҚХАниң 25 жиллиғиға беғишланған чарә-тәдбирләр даирисидики асасий чарә-тәдбирләрниң бири. “Тунҗа Президентниң йоли билән” җумһурийәтлик акцияси 2019-жили 28-ноябрьда Нур-Султанда башланди. Акция рәмзлири – күндилик вә байрақ – тәнтәнилик рәвиштә Нурсултан Назарбаев туғулуп, оқуғучилиқ дәврини өткүзгән Алмута вилайитигә тапшурулған еди. Февральда рәмзләр Елбасы әмгәк паалийитини башлиған Қарағанда вилайитигә тапшурулди. Өткән пәйшәнбә күни экспедиция Тунҗа Президент һаятиниң 20 жилдин ошуқ вақтини өткүзгән вә Елбасы үчүн алаһидә қәдирлик болған Темиртав вә Қариғанда шәһәрлиригә кәлди. Бу йәрдә Елбасы домна печиниң сәккизинчи разрядлиқ иккинчи горновойидин Қазақстан Компартияси Мәркизий комитетиниң кативи лавазимиғичә болған йолни бесип өтти. Бу Лидер йолиниң Қариғанда йеридә башланғанлиғини билдүриду. Чарә-тәдбир даирисидә униңға қатнашқучилар Тунҗа Президент – Елбасыниң Темиртавдики тарихий-мәдәний мәркизини зиярәт қилди. Униң һәрбир залиға қоюлған әсәр-әтиқиләр, һөҗҗәтләр Нурсултан Назарбаевниң һаят йоли, Қазақстан Магниткиси қурулушиниң тарихи, Елбасыниң сәясий йолиниң башлиниши, мустәқилликкә болған йол, мәмликәтниң мустәқиллик жиллирида қолға кәлтүргән асасий утуқлири тоғрилиқ һекайә қилиду. – “Тунҗа Президент йоли билән” Нурсултан Назарбаевниң ениқ адәмләр, карханилар, регионлар вә мәмликәт һаятидики йолини чүшинишкә нишан қилинған лайиһә. Тунҗа Президентниң йоли – бу мустәқиллигимизниң тарихи, синақларни йеңиш тарихи, шәкилләнгән дөләт вә униң хәлқиниң тарихи. Нәқ Темиртавда, металл еритидиған қазанда охшаш, қийин шараитларда Қазақстан хәлқи Лидериниң қазақстанлиқ мүҗәзи шәкилләнди, – дәп тәкитлиди ҚХА Рәисиниң орунбасари Жансейит Түймебаев. Андин кейин меһманлар Қариғандиға келип, “Кемеңгерліктің дара жолындағы Ұлы тұлға” мавзусида өткән тәнтәнилик чарә-тәдбиргә қатнашти. Жансейит Түймебаев жиғилғанлар алдида сөзгә чиқип, Елбасыниң 1985-жили нәшир қилинған Тунҗа китавиниң “Стальной профиль Казахстана” дәп атилип, Қариғанда Металлургия комбинатиға беғишланғанлиғиниң тәсадипи әмәс екәнлигини тәкитлиди. – Силәрниң һәрбириңлар Елбасыниң ишини давамлаштуруватисиләр. Бу җәһәттин елип қариғанда, “Тунҗа Президент йоли билән” лайиһисигә пүткүл Қазақстан хәлқи қатнишиватиду. Бу йәрдә, Қарағандида, биз һәркимниң өз һаятида Елбасыниң қандақ роль ойниғанлиғи тоғрилиқ ойлинип, бу тоғрилиқ башқиларға сөзләп беришини күтүватимиз, – дәп тәкитлиди Жансейит Түймебаев.

456 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы