• "Мәнавият булуңи"
  • 22 Сәуір, 2020

Һәзилгә майил мисралар

Көпчилик, кәчүрисиләр! Кәйпиятиңлар көкләргә көтириливатқан көңүллүк кәчтә, күйоғул-келинағчиға керәклик көрсәтмиләрни көрситип кәтсәм кайимайдиғансиләр? Кайимисаңлар, келиштуқ! Күйоғул-келинағча, кичикликтә көңлүңларға киривалған камчилиқ, кирләрдин кечикмәй кечиңлар! Күндүзлири кәч киргичә КТКдин, коммерциялик каналлардин көрситилидиған кәлсә-кәлмәс киноларни көрүвәрмәй, көзи кичик көрәң «крутойлардәк» келәңсиз керилмәй, кәмбәғәлләрни каззаплардәк камситмай, Камил көккөз койкида, Кевир кайпаң кушеткида, Кәрим колдур креслода калчариғандәк калчаримай, көрүнгәнла көчәтләрни кәскәкчиләрдәк кесивәрмәй, кәң кочидики керәксиз кәндирләрни көйдүрүп, күлләрни кодаңларға көмүп, көрнәклик композиторлиримизниң карамәт күйлиридин көкләмдә кәлгән каккуклар кәби келиштүрүп, күлүмсирәп-күчлинип кәч күзгичә көкиридиған көчәтләрни, кактусларни көчирип-күтүп, кәнтиңларни көркәмлитиштә күчүңларни көрситиңлар! Күйоғул, келинағчиға клублардики концертларни, комедиялик киноларни, Күрәш Көсәнниң, Киркоровниң, калькуттилиқ Кесор Кумарниң кассетилирини, Кавказдики курортларни көрситип, Кәшмирниң күмүчтә кәштиләнгән кәмзоллирини, Киевниң капрон калготкилирини, Кубаниң күлрәң курткилирини, Көкчетавниң келинчәкләр кийидиған кимешеклирини, Кореяниң керәклик кийим-кечәклиридин кийиндүрсиңизла көңлини көтирәләйсиз! Келинағча, кирлик-көрпиләрни, кора, комзәк, кәпкүрләрни кирләштүрмәй, күйоғулниң канийиға кавап, кофе, котлет, компотларни кәйни-кәйнидин кәпләвәрмәй, кичиканиңиз Катя каска кичикдадиңиз Коля кәмшүкни капуста, кава, кашиларға көндүргәндәк көндүрүң! Күйоғул кечилири кочидин кечикип кирсә, көкәмиләр көкәргәндәк капилдимаң. Күйоғул командировкиларға кетәридә костюмини, крассовкисини кам-котисиз кийиндүрүң! Көрәлмәсләрниң, күч-күчләйдиғанларниң кәйнигә кирип күнлимәстин, командировкидин келишини күлүмсирәп күтсиңизла, күйоғулму Корлиниң кишмишлиридин, «Кара кум», «Кис-кистәк» карамель конфетилардин коробка-коробкилап, кекс, кириешкилардин килограмм-килограммлап көтирип келиду! Күйоғул-келинағча! Кәлгүсидә космонавтлар космос карабльлирида каинатни кәзгәндәк, кәң-таша кәңликләрни кезип, коммерсантлардәк киримиңлар көпийип, коттеджларға көчүп кирсәңларму көп көрәңләп кәтмәстин, күтүлмигәндә кәлгән коронавирустәк келишмәсликләргә кечикмәстин, кечә-күндүз көкригиңларни керип, кәскин күрәшсәңлар, көпниң, карванниң кәйнидин келиверисиләр! Көпчилик, камчилиқ кимләрдин көрүлмәйду? Кәминәниң күйоғул-келинағчиларға көрсәткән көрсәтмилиридин камчилиқларни кәчүргәйсиләр! Кәлгүсидиму кафелардики кәчләрдә кәйни-кәйнидин көрүшүшни көзләйли! Кәчтә коньякни кишиләргә көрсәтмәй көтиривелип, кәйпичиликтә кәч киргичә кәткиңлар кәлмәй, келишмәсликләр көрүлсә, көңлүңларға кәлмисун, квартиримизниң кәйнидики катәктәк кладовкиғиму киргүзәлмәймиздә! Короче, кәмпирлириңлар, келин-катәкләр котулдушуп, көсәй-калтәкләрни көтирип күтүвалғичә, көз көрәрдә культурный кетивелиңлар! Кәминәгә кериги — кайимисаңларла купайидур. Һөрмәт билән ШӘМСИМУҺӘММӘД. Пәнҗим йезиси, Панфилов наһийәси.

269 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы