• Спорт
  • 07 Мамыр, 2020

Биз силәр билән мәғрурлинимиз

«Алла бир йеқидин кам қилса, йәнә бир йеқидин тәңшәп қойиду», дәп конилар бекар ейтмиса керәк. Һаятта һәммила адәмниң он икки мүчиси сақ әмәс... Тәғдирниң язмиши билән бәзи инсанлар Алла йоллиған синақни һапашлап өмүр сүриду. Лекин уларни «имканийити чәкләнгән» дәп ейтишқа тилиң бармайду. Чүнки уларниң һаятқа дегән муһәббити бөләкчә. Мән бүгүн мана шу ирадилик инсанлар һәққидә сөз қозғимақчимән. Мақаләмниң биринчи қәһримани хәлиқара дәриҗидики спорт маһири Нодәрҗан Һәмруллаев 1970-жили Уйғур наһийәсиниң Чонҗа йезисида дунияға кәлгән. 2009-жили спортниң пара пауерлифтинг түри бойичә мәшиқлинишкә башлап, 2010-жилдин та бүгүнки күнгичә җумһурийәтлик мусабиқиләрдә алдинқи орунлардин көрүнмәктә. Нодәрҗан ака җумһурийәтлик мусабиқиләр билән чәклинип қалмай, Азия оюнлиридиму мукапатлиқ орунларни өз ғоҗуниға салған. Шулар қатаридин, 2015-жили Алмута шәһиридә болуп өткән Азия чемпионати билән 2018-жили Япониядә өткән Азия чемпионатида 3-орунға сазавәр болиду. Өзиниң салмақ дәриҗисидә җумһурийәт бойичә бирнәччә қетим рекорд орнитип, жилдин-жилға өз рекордлирини йеңилап кәлмәктә . Йәнә бир чемпион – 1986-жили туғулған Рәхмәтҗан Һәмәевтур. У 2009-жили Нодәрҗан Һәмруллаев билән биллә мәшиқлинишни башлап, 2010-жили дәсләпки мусабиқигә йолланма алиду. Туғулушидин мүмкинчилиги чәкләнгәнлигигә қаримастин, һаятта өз орнини тепишқа интилған Рәхмәтҗан ака 2011-жили җумһурийәтлик мусабиқигә қатнишип, пара пауерлифтингтин йеник салмақ дәриҗисидә 1-орунни егиләп, рекорд орнитиду. Шуниңдин кейин он жил мабайнида йеник вә еғир салмақ дәриҗилиридә биринчиликни қолдин бәрмәй, һәр жили йеңи рекорд яритип, бизни хошал қилмақта. Тәкитләш керәкки, һәрхил миқиястики мусабиқиләрниң ғалиби Рәхмәтҗан Һәмәев 2018-жили Индонезиядә болуп өткән дуния чемпионатида 2-орунға муйәссәр болди. Хәйрият, Нодәрҗан, Рәхмәтҗан акилар билән бир сәптә жүргән Зумрат Һәмруллаеваниңму йәткән утуқлири аз әмәс. У 1972-жили Чонҗа йезисида дунияға кәлгән. 2019-жили мәшиқни башлап, шу жили Ақтав шәһиридә болуп өткән мусабиқидә 2-орунға, бийил Нур-Султан шәһиридә өткән мусабиқидә болса, 1-орунға муйәссәр болди. Ениғирақ ейтсақ, йеқинда елимизниң пайтәхти Нур-Султан шәһиридә уюштурулған җумһурийәтлик мусабиқидә Нодәрҗан Һәмруллаев, Рәхмәтҗан Һәмәев вә Зумрат Һәмруллаева өзлириниң салмақ дәриҗиси бойичә баш мукапатни егилиди. Ахирида ейтаримиз, елимизниң шәнини қоғдап, хәлқимизниң пәхригә айланған чемпионлиримизниң келәчәктә йәниму егиз пәллиләрдин көрүнүшигә тиләкдашлиқ билдүримиз. Биз силәр билән мәғрурлинимиз! Нуршат НУРШАЕВ. Нур-Султан шәһири.

21 рет

көрсетілді

0

пікір
Алдыңғы мақала Чемпионат болуп өтти
Келесі мақала «Арминиңға йәт, Аруп!»

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *