• Тәбрикләймиз
• 07 Мамыр, 2020

Тәбрикләймиз!

Йеқинда Европидин хуш хәвәр кәлди. Қазақстан Җумһурийитиниң Саламәтликни сақлаш саһасиға салмақлиқ һәссә қошуватқан Балилар хирургияси вә педиатрия илмий мәркизиниң балилар хирургияси бөлүминиң башлиғи, медицина пәнлириниң доктори Нурлан Нуркеноғли Әкбәровқа Европа Тәбиий пәнләр академиясиниң академиги унвани берилди. Шундақла қериндишимизниң тәшәббускарлиқ һәм өз кәспиниң салаһийәтлик мутәхәссислиги екәнлиги инавәткә елинип, алдимиздики үч жил ичидә Қазақстан Җумһурийитидә ушбу академияниң биомедицина шөбисини шәкилләндүрүш вәзиписи жүкләнди. Нурлан Әкбәров 1959-жили Уйғур наһийәсиниң Кәтмән йезисида дунияға кәлгән. 1997-жили намзатлиқ, 2007-жили докторлуқ диссертациясини яқлиди. У 300дин ошуқ илмий әмгәк вә үч монография билән өз саһаси бойичә жигирмидин ошуқ кәшпиятниң муәллипи. Нурлан Нуркеноғли 2007-жилдин буян «Cincinnati Childrens Hospital Medikal Center» (АҚШ) медицина мәркизиниң Пәхрий профессори атилип, Европа Тәбиий пәнләр академиясиниң әзалиғиға қобул қилиниду. Қазақстан, Таҗикстан вә Америка Қошма Штатлириниң педиатрия вә хирургия журналлириниң редколлегия әзаси. Нурлан Әкбәров пәқәт Қазақстанниңла әмәс, бәлки дуния илим-пән тәрәққиятиға қошқан төһписи түпәйли Роберт Кох вә Александр-3 намидики орден-медальлар билән мукапатланған. Нурлан Нуркеноғли Әкбәровни миңлиған гезитханлиримиз намидин новәттики утуғи билән сәмимий тәбрикләп, ишиға утуқ вә аиләвий хатирҗәмлик тиләймиз! «Уйғур авази» гезитиниң тәһрирати.