- Асасий мақалилар
- 07 Мамыр, 2020
Президент өз пикрини изһар қилди
Президент Қасым-Жомарт Тоқаев депутатлар алдида сөзлигән нутқида Парламент Сенатиниң елимизниң сәясий вә җәмийәтлик һаятидики муһим ролини тәкитлиди.
«Биринчи новәттә, бизниң алдимизда турған вәзипиләрни һәл қилиш үчүн һакимийәтниң барлиқ органлириниң бирләшкән һәрикити һаҗәт. Парламент, шуниң ичидә Сенат, муһим ислаһатларни әмәлгә ашурушта алаһидә роль ойнайду. Асасий вәзипә – ислаһатларға йол ачидиған, турақлиқ вә тәртипни тәминләйдиған сүпәтлик қанунларни қобул қилиш», дәп тәкитлиди Президент. Дөләт рәһбири Дариға Назарбаеваниң Сенат рәиси лавазимидики паалийитигә жуқури баһа бәрди. «Һәммиңларға мәлум, мениң Пәрманимға бенаән, Сенат депутати Дариға Назарбаеваниң депутатлиқ вакалити тохтитилди. У бир жилдин ошуқ вақит ичидә Сенат рәиси сүпитидә үнүмлүк әмгәк қилди. Дариға Нурсултанқизиға өз миннәтдарлиғимни изһар қилмақчимән», деди Қасым-Жомарт Тоқаев.
Президент депутатлар корпусини һазирқидәк қийин шараитта бирлишип әмгәк қилишқа чақирди вә Мәулен Әшимбаевниң намзитини Сенат рәиси лавазимиға тәвсийә қилди.
«У дөләт хизмитидә мол тәҗрибиси бар шәхс, узун жиллардин буян һәрхил саһаларда үнүмлүк әмгәк қилип келиватиду. Парламентниң паалийитини яхши билиду. Өзигә жүкләнгән вәзипиләрни шәрәплик орунлап кәлгән. Шуңлашқа бу лавазимда мунасип әмгәк қилидиғиниға ишәнчим камил», дәп тәкитлиди Президент.
184 рет
көрсетілді0
пікір