• Әхбаратлар еқими
  • 15 Мамыр, 2020

Һөҗҗәт елиш қиммәтлиди

Өткән айдин тартип айлиқ һесап көрсәткүчиниң (АҺК) миқдари көпийип, у 2 778 тәңгини тәшкил қилди. Униң өсүшигә бағлиқ бирқатар һөҗҗәтләрни елиш үчүн төлинидиған дөләт баж селиғиму көпәйди. Баһалар тәхминән АҺК охшаш 5 пайиз көпәйди. Мәсилән, паспорт елиш үчүн 8 АҺК һесавида һәқ елиниду. Мошу айдин тартип мәзкүр һөҗҗәтни елиш үчүн 22 224 тәңгә төләш керәк. Дөләт баж селиғи 1 106 тәңгигә көпәйди. Паспорт 15 күнлүк қәрәлдә тәйяр болиду. Ейтмақчи, чапсан тәйярлиниши үчүн қошумчә төлинидиған һәқ миқдари өзгәрмиди, чүнки у айлиқ һесап көрсәткүчигә бағлиқ әмәс. Мәсилән, һөҗҗәт бир иш күнидә тәйяр болса, қошумчә 4 983, үч күндә һазирланса 2 752 тәңгә төлиниду. Мундақ тариф пайтәхт вә икки мегаполис – Алмута, Чимкәнт, шундақла Ақтөбә шәһириниң турғунлири үчүн күчкә егә. Вилайәтләр мәркәзлиридиму чапсан тәйярлаш үчүн шунчилик миқдарда қошумчә һәқ төлиниду. Бирақ чапсан тәйярлаш қәрәли икки тәвлүккә узақ болиду, йәни үч вә бәш иш күнини тәшкил қилиду. Мәмликәтниң қалған аһалилиқ пунктлирида һөҗҗәтләрни чапсан тәйярлаш қәрәлини 1 116 тәңгә төләп бир һәптигила узартишқа болиду. Шәхсни гуваландуридиған һөҗҗәтни алғандиму шундақ қәрәл вә чапсан тәйярланғанлиғи үчүн төлинидиған тариф сақланған. Шәхсни гуваландуридиған һөҗҗәт 0,2 АҺК туриду. Қазақстанлиқниң асасий һөҗҗитини алмаштуруш вақти кәлгәнләр бийил апрельдин тартип униң үчүн 556 тәңгә төләйду. Өткән ай билән селиштурғанда дөләт баж селиғи бари-йоқи 25 тәңгә өсти. Мошу айдин башлап гуванамисини алмаштурмақчи яки йеңисини алмақчи болған барлиқ һайдиғучилар 3 473 тәңгә миқдарида дөләт баж селиғини төлиши керәк. Буниңда пәриқ 159 тәңгини тәшкил қилди. Тәкитләймизки, қәрәли өтүп кәткән гуванамә алмаштурулғанда, атап көрситилгән дөләт баж селиғи миқдарида җәриман төләш керәк. Җәриман пәқәт қәрәли түгигән гуванамә билән машина һайдиғандила төлиниду. У мәмурий кодексқа мувапиқ һесаплиниду. Балиниң туғулғанлиғи тоғрилиқ гуванамини тәкрар рәсмийләштүрүш үчүн 0,5 АҺК һесавида һәқ төлиниду. Бала туғулғанда декрет төләмлирини рәсмийләштүрүштин авал туғулғанлиғи тоғрилиқ гуванамә елиш керәк. У һәқсиз берилиду. Әнди түрлүк сәвәпләр түпәйли балиниң һөҗҗитини алмаштуруш тәләп қилинса, уни тәкрар рәсмийләштүрүш үчүн 1 389 тәңгә төләш керәк. Дөләт баж селиғи бари-йоқи 63 тәңгә көпәйди. Балағәткә йәтмигән балиниң мәлуматлирини атисиниң яки анисиниң паспортиға йезиш үчүн 0,1 АҺК миқдарида һәқ төлиниду. Атисиниң яки анисиниң паспортиға бир бала тоғрилиқ мәлуматларни униң рәсимини орунлаштуруп йезиш апрельдин тартип 278 тәңгә туриду. Март билән селиштурғандики пәриқ 12 тәңгини тәшкил қилиду. Қануний некани тәстиқләйдиған һөҗҗәтни биринчи қетим алғанда вә у кардин чиққан яки жүтүп кәткән әһвалда тәкрар мураҗиәт қилғанда – 1 АҺК миқдарида дөләт баж селиғи, йәни 2 778 тәңгә төлиниду.. Әр-аял некасиниң бекар қилинғанлиғи тоғрилиқ гуванамә сәл қиммәт, йәни 1,5 АҺК – 4 167 тәңгә туриду. Бу һөҗҗәтни елиш 190 тәңгә қиммәтлиди. Әгәр қандақту-бир һөҗҗәтни алмаштуруш вақти кәлсә яки йеңисини рәсмийләштүрүш керәк болса, Қазақстан Җумһурийити электронлуқ һөкүмитиниң порталида жирақтин тәләпнамә беришкә вә дөләт баж селиғини төләшкә болиду. Сизгә шундақла портал сәһиписиниң төвәнки оң тәрипидики қошумчә варақчисида «олтарған» виртуал ассистент ярдәмгә келиду. У шундақла Аһалиға хизмәт қилиш мәркизиниң «реал» хадими билән сөзлишишкә имканийәт туғдуриду.

433 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы