• Йеңилиқлар
• 15 Мамыр, 2020

Вақти өтүп кәткән һөҗҗәтләрни 10-июльғичә алмаштурушқа болиду

Җумһурийәт ички ишлар министрлиги җәримансиз алмаштурушқа болидиған һөҗҗәтләр тизимини елан қилди. Идарә хадимлириниң тәкитлишичә, вақти өтүп кәткән һөҗҗәтләрни алмаштуруш җәримансиз үстимиздики жилниң 10-июлиғичә алмаштурушқа болиду. “Мәмликитимиздә пәвқуладдә вәзийәтниң җарий қилиниши билән 26-марттин тартип Хәлиққә хизмәт көрситиш мәркәзлири ишини тохтатқан вә бирқатар дөләт хизмәтлири, җүмлидин шәхсни гуваландуридиған һөҗҗәтләрни қайта рәсмийләштүрүш көрситилмигән” дәп чүшәндүрди ИИМ. Пәвқуладдә вәзийәтни җарий қилиш күтүлмигән әһвал, шуниң үчүн Қазақстан Җумһурийитиниң һөкүмити мәзкүр тохтам билән гражданларниң бәзибир һөҗҗәтлирини күчкә егә дәп етирап қилған: 1. Қазақстан Җумһурийитиниң “Шәхсни гуваландуридиған һөҗҗәтләр тоғрилиқ “Қанунниң 5-маддисида көрситилгән шәхсни гуваландуридиған һөҗҗәтләр. 2) машина жүргүзүш, шу җүмлидин вақитлиқ жүргүзүш гуванамилири, мәҗбурий техникилиқ байқаштин өткәнлиги тоғрилиқ гуванамилар; 3) гражданлиқ вә хизмәт баби бойичә қурал-ярақ вә униңға оқларни сетивелиш, сақлаш вә өзи билән елип жүрүш рухсәтлири; 4) чиқиш вә кириш рухсәтлири (визилар), Қазақстан Җумһурийитидә вақитлиқ вә турақлиқ яшашқа рухсәтлири, әмгәк иммигрантиға вә иш бәргүчигә чәтәллик ишчи күчини җәлип қилишқа рухсәт; Пәвқуладдә вәзийәт дәвридә қәрәли өтүп өткән жуқурида ейтилған һөҗҗәтләр пәвқуладдә вәзийәт күчидин қалдурулуп 60 календарлиқ күн давамида күчкә егә дәп етирап қилиниду, йәни бу үстимиздики жилниң 10-июлиғичә; дейилиду идарә тарқатқан хәвәрдә. Пәвқуладдә вәзийәт дәвридә яки униңдин кейинки 60 күн ичидә 16 яшқа толған гражданлар үчүн туғулғанлиғи тоғрилиқ гуванамә яки паспорт уларниң шәхс екәнлигини гуваландуридиған асасий һөҗҗәт болуп һесаплиниду.