• Йеңилиқлар
  • 15 Мамыр, 2020

Сакура дәриғиниң “Нур-Султан” намлиқ йеңи сорти чиқирилди

Япониядә сакура дәриғиниң әҗайип чирайлиқ йеңи сорти чиқирилди. Уни Қазақстан пайтәхтиниң шәрипигә “Нур-Султан” дәп атиди. Дәрәқниң йеңи түри Хоккайда арилида барлиққа кәлди. Арал префектуриси орман егилиги тәтқиқатлар институтиниң мутәхәссислири дәрәқниң йеңи сортиниң селекцияси билән хелә узақ вақит шуғулланди. Идарә мутәхәссислириниң тәкитлишичә, йеңи сортниң алаһидилиги шуниңдики, у 40 градуслиқ соққа чидайду. Мәзкүр сортни чиқарғучи Йоичи Вакитниң ейтишиға қариғанда, у икки мәхсәтни көздә тутқан. Биринчиси, илмий қизиқиш үчүн болса, иккинчиси, қазақстанлиқларға соға-тиләк қилмақчи болған. Сакура дәриғи Япониядә “тәбиәт күчини вә баһарниң келишини” әкис әттүриду. Алим мошуниң арқилиқ Қазақстанға таҗсиман вирусини чапсанирақ йеңишни вә ихтисадий боһрандин сүрүнмәй өтүшни тилимәкчи болған. Институт мудири Митиясу Ясакониң пикиричә, һазирчә “Нур-Султан” барлиқ сакура дәриғи сортлири ичидә әң соққа чидамлиғи. У мәзкүр һәрикитиниң икки дөләт оттурисидики мунасивитини техиму йеқинлаштуридиғанлиғиға үмүт қилиду. Умумән, ташқири японларда сакура көчәтлирини дайим башқа дөләтләргә соға қилиш әнъәниси моҗут. Бу уларниң достанилиқ ишариси. Шуниң үчүн сакуриниң мәзкүр сортини астаналиқларға соға қилишни планлаватиду. Япония алимлириниң пикричә, мәзкүр өсүмлүк Нур-Султан кочилириға техиму сөләт киргүзиду. Тәкитләш керәкки, йеңи сорт соққа чидамлиқлиғи биләнла пәриқләнмәйду. Униң ечилған гүлидә, адәттики сакуридикиләргә охшаш, бәш әмәс он ақ бәрги болидекән. Буниң мәмликитимизниң «қарлиқ» пайтәхтиниң һөснигә һөсүн қошидиғанлиғи ениқ.

20 рет

көрсетілді

0

пікір
Алдыңғы мақала Тест тапшуруш қаидиси өзгәрмиди, бирақ...
Келесі мақала Президент Алмутида болди

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *