• "Birgemiz"
  • 15 Мамыр, 2020

Муһтаҗлар билән ишсизларға ярдәм

Бәхтишат СОПИЕВ, «Уйғур авази» Өткәндә «Біз біргеміз» йеқинда Султанқорғандики «Казнорощ» мәһәллисидә өтти. Мәзкүр акцияниң тәшәббускари «Билал-строй» ширкитиниң мудири Қасимҗан Белалов (сүрәттә солда) екән. Белаловлар аилисиниң Алмутидики «Любовь» накалар өйиниң турақлиқ һамийи екәнлигидин хәвиримиз бар. Улар он үч жилдин бери нака балиларға өзлириниң халисанә ярдимини көрситип келиватиду. – Дунияни һәләйкүмгә салған таҗсиман вирус пандемиясиниң бәзи адәмләрни гаңгиритип қойғини раст, – дәйду ширкәт мудири биз билән болған сөһбәттә. – Мән болупму тапавитидин вақитлиқ айрилғанларға, йезидин шәһәргә келип ишләватқанларға наһайити ечиниватимән. Һазир уларниң һәммиси карантинға йепилди. Йезиға кәткәнләр, шәһәргә кирәлмәйватиду. Раст, дөләт тәрипидин 42 500 тәңгилик ярдәм пул аҗритилди. Уни еливатқанлардин алмайватқанларниң көплигини аңлаватимиз. Алған һаләттиму, мунчилик пулни турмуш-тирикчиликкә йәткүзүш қийинға чүшиватиду. Шуңлашқа мән қериндашлирим вә аиләм билән мәслиһәтлишип, бу қетим 50 озуқ-түлүк севитини ианә қилишни тоғра көрдүм. 20 севәтни мәһәллиниң жигитбеши Камил Тохтаев арқилиқ егилиригә йәткүзүп бәрдуқ. 30 севәтни нака балилар өйигә әвәттим. Бизгә охшаш қолида барлар муһтаҗларға мошундақ күнләрдә ярдәм қилмисақ, қачан қилимиз? Йәнә бир ейтарим, ишсиз жүргәнләр болса, бизниң ширкәткә йолуқса болиду. Карантин аяқлашса, ширкәтниң паалийитини җанландуруш ойимиз бар. Биз муһтаҗлар билән ишсизларға ярдәм қилишқа һәрқачан тәйяр.

37 рет

көрсетілді

0

пікір
Алдыңғы мақала Миннәтдарлиғимиз чәксиз
Келесі мақала Житим-йесирларниң ғәмхорчиси

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *