• Әхбаратлар еқими
  • 15 Мамыр, 2020

Вижданиға дағ чүшәрмигән акам

Әҗайип дилкәш, данишмән инсан, дана сәясәтчи Қуаныш Султановни көргинимдә, униң меңиш-турушидин, кийинишидин, сәмимий муамилисидин, чеһридин әқил-парасәт нури төкүлүп турғандәк билиниду маңа. У өзиниң әйнә шундақ алий инсаний пәзиләтлири түпәйли, әтрапидикиләрни өзигә мәһлия қиливалидиған қудрәткә егә. Иллиқ мунасивити, сәмимий сөһбити арқилиқ һәрқандақ адәмдә чоңқур тәсират қалдуридиған хислити өз алдиға. Иш бабида узақ жиллардин бери елимиз пайтәхтидә туруватсиму, пурсити туғулсила киндик қени төкүлгән дияриға қәдәм тәшрип қилишни адәткә айландурған акимизни бизму өз новитидә тәшналиқ билән күтимиз. Мениң дадам Турғанғазы пүткүл аңлиқ һаятини рәһбәрлик хизмәтләргә беғишлиған, ирадиси чиң, мәвқәси мустәһкәм, дәллиң пикирлик адәмләрдин еди. Мабада исми кәң җамаәтчиликкә тонулған пәхирлик оғланлар һәққидә гәп қозғилип қалса, у хәлиқ мәнпийитини өз мәнпийитидин үстүн қоюп, жүриги дайим елим, хәлқим дәп соқидиған Қуаныш акимизни мисалға кәлтүрүп, исмини алаһидә һөрмәт билән тилға алидиған. Шәхсән өзәм Қуаныш Султаноғли билән он жилдин буян қоюқ арилишип келиватимән десәм, хаталашмаймән. Бәзидә елимиз пайтәхтидә, гайида Алмутида яки у жутумизға қәдәм тәшрип қилған пәйтләрдә сөһбәтләшкинимиздә, униң һәқиқәтәнму қәлби булақ сүйидәк таза, нийити сүттәк ақ, меһри дәрия инсанлардин екәнлигигә йәнә бир қетим көз йәткүзимән. Қуаныш, сенің үлкен сұлу жаның, Елдікті, уяңда бар ұғынғаның. Тағдыр да сүйді сені тарланым деп, Ешқашан сен де өмірге суынбадың. Сүйдің сен сол өмірді от жүрекпен, Талай жаз, талай сұлу өтті көктем. Нәр алған туған жердің биігінен, Жаралған жарығымсың ақ тілектен, дәп қазақниң көрнәклик шаири Туманбай Молдағалиев күйлигинидәк, бүгүнки күндә мөтивәр йешиға йәткән акимиз һелиму, худди комсомол рәһбири пәйтидикидәк, өзини яш, тимән һәм тетик һис қилиду. Болупму униң елигә, туғулған зиминиға болған чәксиз муһәббити, ғәмхорлуғи мени бәк қайил қилиду. Умумән, пүткүл аңлиқ һаятини Қазақ елиниң тәрәққиятиға, гүллинишигә беғишлиған бу мәрт-мәрданә оғланниң әл-жути алдида қәдир-қиммити бөләкчә. Қуаныш Султаноғлиниң чечиға ақ чүшсиму, вижданиға дағ чүшмигән инсан. Қазақстан Җумһурийити Парламенти Мәҗлисиниң сабиқ рәиси, һели мәрһум Орал Мухаметжанов өз вақтида әдип һәққидә жүрәктин чиққан ойини әйнә шундақ ибарә арқилиқ изһар қилған екән. Қуаныш акимизни яхши билидиған һәрқандақ адәмниң нәқ шундақ пикирдә екәнлигигә ишәнчим камил. Қазақстан Җумһурийити Парламенти Мәҗлисиниң депутати, көрнәклик җәмийәт әрбаби, жутдишимиз Қуаныш Султанов бу һәптидә һаятиниң 75-даваниға көтирилди. Бу пәқәт униңла әмәс, бәлки туғулуп өскән макани — Яркәнт тәвәсиниң хәлқиниңму хошаллиғи. Улуқ Ғалибийәтниң тәңтуши болған акимизни барлиқ жутдашлири намидин сәмимий тәбрикләп, униңға мустәһкәм саламәтлик, утуқ-амәт вә аиләвий бәхит тиләймән. Тасқын ЖАПАРҚУЛ, «Ернар» дехан егилигиниң мудири, Панфилов наһийәсиниң Пәхрий граждини. Яркәнт шәһири.

431 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы