• "Birgemiz"
  • 20 Мамыр, 2020

Биз рази, Алла рази...

Ваһаләнки, маңлай тәри билән тапқан тапавитини мәрт-мәрданилиқ билән пайдилинишни билидиған, башқиларға хошаллиқ әта қилишни сөйидиған инсанларниң бири сүпитидә Гүлҗаһан ана Муратованиң исмини тилға алсақ, мубалиғә болмас. Чүнки хәлқимизниң алтун жүрәклик аниси – җумһурийәтлик Уйғур этномәдәнийәт мәркизи йенидики “Нураний анилар кеңишиниң рәиси аталған Гүлҗаһан Муратова яхшилиқ қилиштин ялиққан әмәс. Униң изгү ишлири һәққидә аңлап, һәтта өз көзүмиз билән көрүп, толиму мәмнун болмақтимиз. Җүмлидин бүгүн биз сөйүмлүк гезитимиз арқилиқ, Кичик Дехан жути намидин кәң жүрәклик анимизға дегән алаһидә миннәтдарлиғимизни изһар қилмақчимиз. Ениғирақ ейтсақ, Гүлҗаһан ана жутумиздики көпбалилиқ, ғәмхорчисидин айрилғили бираз жил болған, иҗаригә ялланған өйдә яшаватқан йезимизниң турғуни Дильфуза Сасиқоваға өй елип бәрди. Бәш бөлмилик азадә өйниң ачқучи билән һөҗҗәтлирини тапшуруп, көпбалилиқ, ярдәмгә муһтаҗ ана Дильфуза Сасиқовани чәксиз хошаллиққа бөлиди. Әлвәттә, анимизниң ушбу мәрт-мәрданилиғи һәммимизни бөләкчә шатландурди. Бүгүнки күндә көпбалилиқ аилә Гүлҗаһан анимизниң арқисида егә болған башпанасида хатириҗәм яшимақта. Тәкитләп өтүш шәртки, бу ишниң әмәлгә ешишиға Алмутида туруватқан сахавәтлик жутдишимиз Шатлиқ Худайқуловму көп әмгәк қилди. Бүгүнкидәк яхши ай, яхши күнләрдә Алладин Гүлҗаһан анимизниң тениға мустәһкәм саламәтлик, узақ өмүр тиләймиз. Аримизда мошундақ яхши адәмләр көпийивәргәй! Рәхимҗан ҺӘВӘЙДУЛЛАЕВ. Уйғур наһийәси.

21 рет

көрсетілді

0

пікір
Алдыңғы мақала Ассамблея – чоң аилә
Келесі мақала Жутниң хизмитидә һәм һөрмитидә...

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

16 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы