• Йеңилиқлар
  • 20 Мамыр, 2020

Мечитлар ечиливатиду

18-майда мәмликәттә мечитлар ишини яңливаштин башлиди, бирақ уларни зиярәт қилиш эпидемиологиялик әһвалға қарап әмәлгә ашурулиду. Карантин тәртивиниң тәләплиригә риайә қилиш мәхситидә күндилик бәш вақитлиқ намазни, җүмә намизини вә тәрәвиһ намазлирини җамаәт билән өтәш вақитлиқ чәкләнди. Бирлишип намаз өтәшниң қачан болидиғанлиғи кейин елан қилиниду. Санитария-карантин чарилиригә қәтъий әмәл қилиш зөрүр. Мәсилән, мечитларға пәқәт ниқап вә пәләй кийип кириш, антисептиклардин мәҗбурий пайдилиниш вә намаз өтигәндә 1,5 метрлиқ арилиқни сақлаш керәк. Намаз өтәш үчүн аҗритилған мәхсус ханилардики адәмләрниң сани 10дин ашмаслиғи лазим. Нека қийиш вақтида 4 адәмниң қатнишиши купайә. – 18-майдин етиварән биз мечитларни һәҗ сәпиригә бериш, Қуръанниң сүрә-айәтлирини оқуш хаһишини билдүргәнләр вә некадин өтмәкчи болғанлар үчүн ачтуқ. Амма бу мечитларниң толуқ ечилғанлиғини билдүрмәйду. Һәрбир вилайәттики карантинлиқ вәзийәт һәрхил. Биз баш санитар врачниң карантин тәртивиниң тәләплиригә риайә қилиш тоғрилиқ тохтамиға әмәл қиливатимиз. Түрлүк регионларда мечитлар таҗсиман вирус инфекциясиниң тарқилишиға йол қоймаслиқ бойичә оператив штабниң тохтамиға мувапиқ ечилиду, – дәп чүшәндүрди Қазақстан Мусулманлири диний башқармисиниң рәиси, Алий муфти Наурызбай Қажы Тағанулы Мәркизий коммуникацияләр хизмитидә болуп өткән мәтбуат конференциясидә. Мечитларни зиярәт қилғучилар уларда арилиқни сақлиған һалда 15 минуттин ошуқ болмаслиғи керәк. Һәр үч саатта дезинфекция ишлири жүргүзүлүши лазим. Алий муфтиниң мәслиһитигә бенаән мәмликәт мусулманлири “Ләйләтулқәдр” түнини өйлиридә өткүзди.

501 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы