• Йеңилиқлар
• 27 Мамыр, 2020

Қошумчә һәқ төлиниду

“Мәйрәм яки дәм елиш күнлири түндә ишләшкә мәҗбур болған қазақстанлиқларға әнди айрим һәқ төлиниду”, дәп билдүрди йеқинда Алмута шәһәрлик кәспий иттипақ мәркизиниң рәиси Зәуреш Өмирбаева. Әмгәк кодексиниң 140-маддиси әнди “Мәйрәм яки дәм елиш күнлири түн сменисиға чүшкән адәмләрниң әмгиги бөләк төлиниду”, дегән норма билән толуқтурулди. Униңға бенаән түн вақтида ишлигән һәрбир саат үчүн әмгәк яки коллективлиқ келишим яки иш бәргүчиниң акт шәртлири бойичә жуқури миқдарда һәқ төлиниду. Мәйрәм яки дәм елиш күнлири кечиси ишлигәнлиги үчүн төлинидиған қошумчә һәқ күндүзи ишлигәнлиги үчүн төлинидиған һәқтин бир йерим һәссидин төвән болмаслиғи керәк. Кечиси саат 22.00дин әтигәнлиги 6.00ғичә түн вақти болуп һесаплиниду. Балағәткә йәтмигән балиларға вә һамилдар аялларға түндә ишләшкә рухсәт қилинмайду. Буниңдин бираз илгири елимиз Президенти Қасым-Жомарт Тоқаев “Әмгәк мәсилилири бойичә бәзибир қанун һөҗҗәтлиригә өзгиришләрни вә қошумчиларни киргүзүш” тоғрилиқ қанунни имзалиди. Униңға бенаән, аилидики ағриқ адәмни күтүватқан хадим толуқ әмәс иш күни вақтиға көчүш һоқуқиға егә болди.