• Йеңилиқлар
  • 04 Маусым, 2020

Хәлиқара конференция Лидер ролиға беғишланди

Қазақстанниң һазирқи басқучта қолға кәлтүргән жуқури абройи вә утуқлири – мәмликәтниң Тунҗа Президенти әмәлгә ашурған ташқи сәясәт вә тәшәббусларниң нәтиҗиси. Қазақстан Җумһурийитиниң Тунҗа Президенти – Елбасы Китапханиси Ақмола вилайитиниң һакимлиғи вә Ч.Вәлиханов намидики Көкчетав дөләт университети билән бирликтә “Нурсултан Назарбаев һәм Қазақстанниң хәлиқара тәшәббуслири: әмәлият вә әвзәлликләр” мавзусида хәлиқара илмий-әмәлий онлайн конференция өткүзди. Чарә-тәдбиргә Қазақстан Җумһурийити Тунҗа Президенти – Елбасы Идариси қоллап-қувәтләш көрсәтти. Униң рәһбири – сәясәтшунаслиқ пәнлириниң доктори, профессор Махмуд Қасымбеков конференциягә тәбрик хәт әвәтти, уни Қазақстан Җумһурийитиниң Тунҗа Президенти – Елбасы Китапханисиниң мудири Әмирхан Рақымжанов оқуп бәрди. Махмуд Қасымбеков өз тәбригидә Тунҗа Президент қарарлири вә идеялириниң изчиллиғиниң, әқилгә мувапиқлиқлиғиниң вә қәтъийлигиниң Қазақстанниң аләмшумул ядроға қарши һәрикәт вә течлиқпәрвәр лидери, дуниявий динлар вә конфессияләр вәкиллириниң очуқ диалогиниң нәтиҗидарлиқ мәйдани, түркий тиллиқ дөләтләр һәмкарлиғиниң мәнпийәтлирини йеқинлаштурғучи тәрәпдари сүпитидә хәлиқара мәртивисини тәстиқлиди. “Онлиған жиллар өтсиму Елбасы тәшәббуслириниң актуаллиғи өсмәктә, чүнки һазирқи дунияда хәлиқара турақлиққа болған ховуп сақлиниватиду, регионлуқ, этносларара вә конфессияләрара тоқунушлар орун еливатиду”, дәп тәкитлиди Елбасы идарисиниң рәһбири. Әмирхан Рақымжанов конференцияни башлап, Елбасыниң хәлиқара тәшәббуслири тоғрилиқ гәп қилди вә бирнәччә чоң йөнилишләргә тәпсилий тохтилип өтти. – Һаятини өз хәлқигә хизмәт қилишқа беғишлиған Қазақстан Җумһурийитиниң Тунҗа Президенти – Елбасыниң күч чиқириши түпәйли Қазақстан дунияға көп қирлиқ течлиқ сәясити түпәйли тонулди. Бизниң тәрәққият йолумиз пүткүл дунияда Қазақстан үлгиси, йәни Назарбаев үлгиси сүпитидә етирап қилинди вә биз бу йолни сөзсиз давамлаштуримиз, – дәп тәкитлиди Әмирхан Рақымжанов. Конференция қатнашқучилириниң намиға Ақмола вилайитиниң һакими Ермек Маржықпаев тәбрик хәт әвәтип, униңда Нурсултан Назарбаевниң аләмшумул лайиһилириниң Президент вакалитиниң тохтитилғанлиғиға қаримай, пүткүл дунияда етирап қилиниватқанлиғини, Елбасыниң тәҗрибә вә билиминиң, көзқараш вә мәслиһәтлириниң илгәркидәкла актуаллиққа егә екәнлигини, дунияниң сәясий мәйданида тәләп қилиниватқанлиғини тәкитлиди. Видеоконференциядә Парламент Мәҗлисиниң депутати, Хәлиқара ишлар, мудапиә вә бехәтәрлик комитетиниң рәиси Мухтар Ерман, Қазақстан Җумһурийитиниң ташқи ишлар министриниң орунбасари Мәрғулан Баймухан, Польшаниң Қазақстандики әлчиси Селим Хазбиевич, Өзбәкстанниң Қазақстандики әлчиси Сайидәкрәм Ниязхоҗаев, Ч.Вәлиханов намидики Көкчетав дөләт университетиниң ректори Марат Сырлыбаев, Қазақстан Җумһурийитиниң Президенти йенидики Қазақстан стратегиялик тәтқиқатлар институтиниң мудири Зарема Шаукенова, суверен Қазақстанниң биринчи ташқи ишлар министри Төлетай Сулейменов вә башқилар сөзгә чиқип, Елбасыниң хәлиқара тәшәббуслириниң һазир вә узақ муддәтлик тарихий истиқбалда өз актуаллиғини сақлап қалидиғанлиғини, течлиқ вә турақлиқ тәрәққият мәнпийәтлиридә оттуриға қойған идеялириниң хәлиқара һәмкарлиқниң түрлүк саһалиридики вәзийәтниң тәрәққий етишигә иҗабий тәсир қилип, аләмшумул күн тәртивиниң етирап қилинған компоненти болуп һесаплинидиғанлиғини тәкитлиди. Конференция ишиға шундақла Қазақстанниң җәмийәт әрбаплири, елимиз, Россия, АҚШ, Европа вә Мәркизий Азия әллириниң экспертлири қатнишип, уларниң һәрбири Қазақстан Җумһурийити Тунҗа Президентиниң ташқи сәясий паалийитиниң түрлүк қирлирини ечишқа, Елбасыниң хәлиқара тәшәббуслириниң әһмийити тоғрилиқ пикирлири билән ортақлишишқа тиришти.

26 рет

көрсетілді

0

пікір
Алдыңғы мақала Йәнә БМТ һәққидә
Келесі мақала Йеңи мәркәз ечилди

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

16 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы