• Йеңилиқлар
  • 11 Маусым, 2020

Һәрбий парадқа қатнишиду

Нур-Султанда Пиядә әскәрләр һәрбий хизмәтчилири Улуқ Вәтән урушида қолға кәлтүрүлгән Ғалибийәтниң 75 жиллиғиға беғишлинип Россия пайтәхти Москва шәһиридә өтидиған һәрбий парадқа тәйярлиқ көрүватиду. Һазир үч пиядә парад расчети тәшкил қилинди – уларниң иккиси Десант-һуҗумкарлиқ әскәрлириниң тәркивидин қурулса, бир расчет Пиядә әскәрләр Һәрбий институтиниң курсантлиридин ибарәт. – Бийил Улуқ Вәтән урушидики Ғалибийәткә 75 жил толди. Шуниңға мунасивәтлик Россия Мудапиә министрлиги бизниң әскәрләрни Қизил мәйдандики парадқа қатнишишқа тәклип қилди. Пиядә әскәрләрдин үч расчет бәлгүләнди. Расчетларниң тәйярлиғи наһайити яхши. Улар барлиқ санитария-гигиенилиқ тәләпләргә қәтъий риайә қиливатиду. Күнигә икки-үч қетим һарарәт тәкшүрүлүп, башқа мәсилиләргиму көңүл бөлүнмәктә. Биз үчүн Қизил мәйдандики парадқа қатнишиш, өз мәмликитимизни намайиш қилиш наһайити муһимдур. Тәйярлиқ яхши кетип бариду, – дәйду Пиядә әскәрләр баш қоманданиниң җәңгивар тәйярлиқ бойичә орунбасари генерал-майор Дәулет Оспанов. Һәрбий хизмәтчиләр үчүн Улуқ Ғалибийәт шәрипигә өткүзүлидиған парадқа қатнишиш — ғалибийәт үчүн җанпидалиқ билән җәң қилған қазақстанлиқ қәһриманларға тазим қилип, миннәтдарлиқ билдүрүш имканийити. Уларниң арисида бовилири Улуқ Вәтән уруши мәйданида қан төккән вә Москвадики Ғалибийәт парадиға қатнашқанларниң нәврә-чәврилириму бар. – Мән — Улуқ Вәтән урушиниң ветерани Айдарбай Наурызбайоғли Балғимбаевниң нәвриси. Бовам Белоруссиядин Берлинғичә болған уруш йолини бесип өткән. Мән таллавелиштин өтүп, Москвада Улуқ Ғалибийәтниң 75 жиллиғиға беғишланған парадқа қатнишидиғанлиғимдин наһайити хурсәнмән, – дәйду 35-гвардиячи десант-һуҗумкарлиқ бригадисиниң һәрбий хизмәтчиси, гвардия сержанти Серикбек Балғимбаев. Һәрбий парадқа тәйярлиқ карантин чарилиригә қәтъий әмәл қилған һалда жүргүзүлүватиду. Дезинфекция-санитария тәртиви күчәйтилди –шәхсий тәркип күнигә икки қетим медицинилиқ тәкшүрүштин өтүватиду, башқиму чариләр әмәлгә ашурулмақта. Парад расчетлириниң һәрбий хизмәтчилири қалған шәхсий тәркиптин айрим яшаватиду, уларниң йениға уруқ-туққанлириниң вә башқа шәхсләрниң келиши чәкләнгән.

55 рет

көрсетілді

0

пікір
Алдыңғы мақала КИТни кимләр алиду?
Келесі мақала Тоқаев Маминға тапшурмиларни бәрди

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

18 Қараша, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы