• Нәшрият төһписи
• 17 Маусым, 2020

Жут тарихиға беғишланған

Шәмшидин АЮПОВ, «Уйғур авази» Йеқинда язғучи Авут Мәсимовниң бир йерим әсиргә йеқин тарихи бар жут — Қаратуруқ йезисиниң бәрпа болушиға беғишланған 23 басма тавақтин ибарәт «Қаратуруқ — улуқ җай, билсәң» намлиқ китави йоруқ көрди. Қазақстан маарип әлачиси, милләтпәрвәр инсан Бүвимәрийәм Закированиң һамийлиғида нәшир қилинған мәзкүр китапта кеңәш дәвридә вә униңдин кейинки жиллири қолидин қутлуқ кәтминини чүшәрмәй, пидакаранә әмгәк қилған ата-бовилар вә уларниң бүгүнки әвладиниң турмуш-тирикчилиги баян қилиниду. Кәң китапхан аммисиға молҗаланған ушбу китапта 1881-жилқи көч-көч сәвәплири, ялқунлуқ шаир Лутпулла Мүтәллипниң һаяти, коллективлаштуруш, Улуқ Вәтән урушида қан кәчкәнләр вә униңдин кейинки течлиқ һаятта миннәтсиз меһнити билән әлгә тонулған шәхсләр һәққидә хатириләр җәмләнгән. Әгәр китапни диққәт қоюп оқусиңиз, тарихимизға мунасивәтлик көпчилигимизни ойландуруп келиватқан бәзи соалларғиму ениқ җавап тапалайсиз.