• Асасий мақалилар
  • 17 Маусым, 2020

Университет юбилейи билән тәбриклиди

Қазақстанниң Тунҗа Президенти – Елбасы Нурсултан Назарбаев Назарбаев Университетниң учумкарлирини вә барлиқ профессор-оқутқучилар тәркивини алий оқуш орниниң 10 жиллиқ юбилейи билән тәбриклиди. Елбасы өз тәбригидә Назарбаев Университетниң қисқа қәрәлдә елимиз алий оқуш орунлириниң флагманиға айлинип, Қазақстанда сүпәтлик билим елишқа болидиғанлиғини испатлиғанлиғини тәкитлиди. Он жилда алий оқуш орнини бәш миң адәм тамамлиди. Нурсултан Назарбаевниң сөзичә, уларниң һәммиси өзлирини тәләпкә егә жуқури квалификациялик мутәхәссисләр сүпитидә көрсәтти. Пәқәт 2020-жилдила алий оқуш орниниң миңдин ошуқ учумкариға академиялик дәриҗә берилди. Оқушни тамамлиғанлар арисидин 600 студент бакалавриат программисини, 400дин ошуғи магистратура вә докторантурини тамамлиди. – Уларниң көпчилиги өз билимини мошу йәрдә яки дунияниң башқа әң яхши алий оқуш орунлирида давамлаштуриду, биз буниңға тосалғулуқ қилмаймиз, әксичә, шараит яритип беримиз. Башқилири Қазақстанниң хәлиқара корпорациялиридә өзиниң жуқури кәспий дәриҗисини көрситиду. Мән буни алқишлаймән, биз силәрни өз билимиңларни Қазақстанда көрситишиңлар вә өз елиңларға ишлишиңлар үчүн тәйярлидуқ. Қалғанлири өз утуқлири, йеңилиқлири вә кәшпиятлири билән тарихқа кириду, – деди Елбасы. Тунҗа Президент уларни пәқәт җиддий илмий асас вә “Назарбаев Университетниң учумкари” дегән жуқури атақла әмәс, бәлки уларниң һәрқайсисиниң өз елиниң тәрәққиятиға һәссисини қошидиғанлиғи, Қазақстанда паравәнликни тәминләп, пүткүл дунияда аброй елип келидиғанлиғи бирләштүридиғанлиғини тәкитлиди. – Университет тәрәққий етиду, биз стартаплар үчүн мәхсус лабораторияләрни тәрәққий әткүзимиз. Келәчәктә өз ойлирини әмәлгә ашуруп, ишләпчиқиришқа җарий қилишни халайдиған яш алимлар үчүн венчурлуқ фондлар вуҗутқа келиду, – деди Нурсултан Назарбаев.

242 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы