- Йеңилиқлар
- 24 Маусым, 2020
Рекордлуқ инвестиция җәлип қилинди
Үстимиздики жилниң бәш ейида елимизниң саламәтликни сақлаш вә иҗтимаий хизмәт саһасиға җәлип қилинған инвестицияләр көләми 89,7 пайизға өсүп, рекордлуқ 47,7 миллиард тәңгигә йәтти. Селиштурма сүпитидә кәлтүридиған болсақ, өткән жили мошундақ вақит ичидә җәлип қилинған инвестицияләр көләми 25,2 миллиард болған.
Инвестиция көләминиң өсүшигә тиҗарәт егилириниң өз мәблиғи вә несийә мәбләғлирини селиши тәсир қилди. Шундақ қилип, тиҗарәтчиләрниң өз мәблиғини селиш көләми икки һәссигә өсүп – 8,7 миллиард тәңгидин 18,8 миллиард тәңгигә йәткән. Чәттин җәлип қилинған мәбләғ көләми 11,5 һәссигә, йәни 2019-жилдики 1 миллиард тәңгидин, 2020-жили 11,4 миллиард тәңгигә йәткән. Шундақла йәрлик бюджетларниң һесавиға бир жил ичидә 78,9 пайизға, йәни 9,3 миллиард тәңгигә өскән. Амма саламәтлик сақлаш саһасиға җумһурийәтлик бюджеттин бөлүнидиған мәбләғ көләми бир жилда 15,9 пайизға, йәни 8 миллиард тәңгигә қисқарған. Банк несийәлириму бир жил ичидә 80,2 пайизға азайған. Регионлар ичидә Алмута шәһиридә бу саһаға әң көп мәбләғ, йәни 13,4 миллиард тәңгә җәлип қилинған.
429 рет
көрсетілді0
пікір