- Йеңилиқлар
- 24 Маусым, 2020
Медицина хадимлири мукапатланди
Президент Қасым-Жомарт Тоқаев бир топ врачларни дөләт орденлири вә медальлири билән мукапатлиди.
Дөләт рәһбириниң мәтбуат кативи Берик Уәлиниң тәкитлишичә, врачлар Қазақстан гражданлириниң саламәтлигини қоғдаш йолидики пидакарлиқ әмгиги үчүн мукапатланди.
«Дөләт рәһбири Қасым-Жомарт Тоқаевниң Пәрмани билән елимиз гражданлириниң саламәтлигини қоғдаш йолидики пидакарлиқ әмгиги үчүн бир топ медицина хадимлири дөләт орденлири вә медальлири билән мукапатланди» дейилиду хәвәрдә.
Буниңдин илгири Қасым-Жомарт Тоқаев өз Twitterи арқилиқ Қазақстан медицина хадимлириға мураҗиәт қилди. Президент уларни Медицина хадимлири күни билән тәбриклиди. Дөләт рәһбири врачларға пидакарлиқ әмгиги үчүн миннәтдарлиқ билдүрүп, уларға саламәтлик вә бәхит-саадәт тилиди. Шундақла медикларға ярдәм қилишниң дөләт сәяситиниң муһим йөнилиши екәнлигини тәкитлиди.
«Силәрниң вәзипәңлар – адәмләргә саламәтлигини қайтуруш, бәзидә һаятини сақлаш. Һазир силәрниң көпчилигиңлар пандемиягә қарши күрәштә алдинқи сәптә туруватисиләр», дәп язди Президент иҗтимаий тармақта.
438 рет
көрсетілді0
пікір