• Әхбаратлар еқими
  • 22 Шілде, 2020

Шәһәр вә йеза турғунлириниң тапавити қандақ?

Мәлумки, қазақстанлиқларниң тапавити улар туруватқан җайларға қарап бир-биригә охшимайду. 2020-жили пандемиягә мунасивәтлик ишқа орунлишиш қийинлашти. Көплигән хадимлар жирақтин ишләш шәклигә көчти, бәзилири болса, тамамән тапавәтлиридин айрилди. Болупму хизмәт көрситиш саһасида ишләватқанларға бу әһвал көп тәсир қилди. Бирақ тапавитини йоқатқанлар дөләт тәрипидин айрим төләмләрни алди. Мошу өзгиришләр хәлиқниң тапавитини һесаплаш статистикисиға киргүзүлди. Тәтқиқатта аһалиниң бирпүтүн мәбләғ тапавити тәкитләнди. Униңға айлиқ мааш вә башқиму тапавәтләр кирди. Аһалиниң тапавитиниң қисқириши мошу жилниң биринчи кварталида 2019-жилниң мошу вақти билән селиштурғанда 7,4 пайизға өскәнлигини көрсәтти. Инфляция дәриҗиси 6 пайиз болди. Нәтиҗидә елимиздә оттура айлиқ мааш 177,4 миң тәңгини тәшкил қилған. Бир жил илгири болса, бу көрсәткүч 165,1 миң тәңгә көләмидә болди. Бирақ бу мәлуматларни 2019-жилниң ахири билән селиштурсақ 0,4 пайизға аз болған, баһалар болса 2,2 пайизға өскән. Бу өз новитидә қазақстанлиқларниң һаят дәриҗисидә өз әксини тапти. Ишидин айрилип қелиш ховупидин аһали несийәләр елишни азайтқан. Йезиларда шәһәрләр билән селиштурғанда, оттура тапавәт 40,4 пайизға төвән. Әгәр қазақстанлиқлар шәһәрләрдә ейиға 201,3 миң тәңгә тапса, йезиларда 143,3 миң тәңгә тапиду. Finprom.kz агентлиғини мәлуматлири бойичә, Нур-Султан шәһиридә аһали әң көп тапавәт тапидекән. У йәрдә оттура мааш 241,6 миң тәңгә. Елимизниң башқа җайлириға қариғанда пайтәхт турғунлири 36,2 пайиз көп ахча тапиду. Иккинчи орунда Алмута туриду. Бу шәһәрдә оттура мааш 224,1 миң тәңгә. Үчинчи орунда болса, 212,1 миң тәңгә тапавәт билән Қариғанда вилайити туриду. Әң төвән тапавәт җәнубий регионларда тиркәлгән. Мәсилән, 2020-жилниң биринчи кварталида Түркстан вилайитидә 102,8 миң тәңгә тапавәт болған. Җамбул вилайитидә болса, 139,6 миң тәңгә тәшкил қилған. Бу әң төвән көрсәткүчтин 36,8 миң тәңгигә көп.

19 рет

көрсетілді

0

пікір
Алдыңғы мақала Қимиз, шипалиқ гиялар вә нәпәс елиш гимнастикиси
Келесі мақала Москва Олимпиадиси вә униңдики қазақстанлиқ спортчиларниң утуғи

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

16 Қыркүйек, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы