- Йеңилиқлар
- 12 Тамыз, 2020
Кейингә қалдурулди
Таҗсиман пандемияси кесиридин Қазақстан аһалисини ройхәткә елиш есәнгә қалдурулди. Бу тоғрилиқ җумһурийәт Миллий ихтисат министрлигиниң Статистика комитетиниң мәтбуат хизмити хәвәрлиди.
Мәлумки, Қазақстан Җумһурийити Һөкүмитиниң 2019-жил 19-июньдики «2020-жили Қазақстан аһалисини миллий ройхәткә елишни жүргүзүш тоғрилиқ» №419-тохтамиға мувапиқ 2020-жили 1 – 30-октябрьдә Қазақстан аһалисини миллий ройхәткә елиш жүргүзүлүши керәк еди.
– Таҗсиман вирус инфекциясиниң тарқилиши түпәйли қелиплашқан вәзийәткә вә мәмликәттә чәклимә карантин чарилириниң киргүзүлүшигә бағлиқ, аһалини ройхәткә елишни 2021-жилиниң октябрь ейиға қалдуруш тоғрилиқ қарар қобул қилинди, – дейилиду хәвәрдә.
Буниңда аһалини ройхәткә елиш усули өзгәртилмәйду, йәни 1 – 15-октябрь күнлири арилиғида sanaq.gov.kz ихтисаслаштурулған сайтида интернет-пикир сораш жүргүзүлиду, шуниң билән бир вақитта, йәни 1 – 30-октябрь күнлиридә аһалидин туташ пикир сораш жүргүзүлүп, мәлуматлар планшетларға тиркилиду.
463 рет
көрсетілді0
пікір