• Йеңилиқлар
  • 12 Тамыз, 2020

Мәнивий бирлик әлчиси

Қазақстан хәлқи Ассамблеяси Абай күниниң дәсләпки қетим нишанлинишиға вә қазақ хәлқиниң мутәпәккүр шаириниң 175 жиллиқ тәвәллудиға беғишланған хәлиқара онлайн-конференция өткүзди. Қазақстан хәлқи Ассамблеяси Абай күниниң дәсләпки қетим нишанлинишиға вә қазақ хәлқиниң мутәпәккүр шаириниң 175 жиллиқ тәвәллудиға беғишланған хәлиқара онлайн-конференция өткүзди. «Абай: тарих вә һазирқи заман» мавзусида өткән конференциягә Қазақстан хәлқи Ассамблеяси Рәисиниң орунбасари – Президент Мәмурийити ҚХА Кативатиниң мудири Жансейит Түймебаев, Әмәлий этносәясий тәтқиқатлар институтиниң мудири Талғат Қалиев, ҚХА Илмий-экспертлиқ кеңишиниң рәиси Айгүл Сәдвақасова, шундақла Түркиядин, Өзбәкстандин, Қирғизстандин вә Әзәрбәйҗандин кәлгән абайшунаслар билән тарихчилар, ҚХА Илмий-экспертлиқ кеңишиниң әзалири һәм зиялилар вәкиллири қатнашти. Жансейит Түймебаевниң конференцияни ечиш пәйтидә тәкитлишичә, Абай Қунанбаев улуқ шаир, мутәпәккүр, философ, мәрипәтчи, тарихчи, тәрҗиман, композитор, җәмийәт әрбаби сүпитидә Қазақстан вә дуния хәлиқлири тарихида мәңгү қалиду. – Тунҗа Президент – Елбасы Нурсултан Назарбаев өзиниң «Абай һәққидә сөзидә» қәйт қилғинидәк, Абай – Йәр йүзиниң хәлқини течлиқ вә разимәнликкә чақиридиған әҗайип роһий бирлик әлчиси, – дәп тәкитлиди ҚХА Рәисиниң орунбасари. – Абай – дунияниң бирлигигә, Шәриқ вә Ғәрип оттурисидики течлиққа интилған, XX әсирниң бешидики иҗтимаий-сәясий пикирниң риваҗлинишиға һәссә қошқан улуқ адәм. Униң исми вә идеялири пәқәт қазақ хәлқиниңла әмәс, бәлки пүткүл инсанийәт байлиғиға айланди. Шуңлашқа Қазақстан Һөкүмити 10-августни «Абай күни” дәп тәстиқлиди. Жансейит Түймебаев бу күнниң пәқәт улуқ адәм хатирисиниң күни болупла қалмай, шундақла мәзкүр сәнәниң у өз әмгәклиридә риваҗландурған инсанийлиқ вә роһийлиқ, бирлик вә пикирдашлиқ, достлуқ вә қериндашлиқ идеялиригә беғишланған күн екәнлигини атап көрсәтти. – Абай өз әмгәклири арқилиқ адәмләрни гражданлиқ активлиқни илһамландурушқа вә ашурушқа, өз тәғдирини өз қолиға елиш үчүн өзини йүксәлдүрүшкә чақирди. Нәқ мошундақ мурәккәп вақитта биз Абайниң һаятий философиясиниң дөләт тәрипидин көрүлүватқан мислисиз иҗтимаий қоллап-қувәтләш чарилиридә улуқ әхлақий шиҗаәт болуп әкис етиватқанлиғини көрүватимиз. Улуқ мутәпәккүрниң «Пүткүл инсанийәтни сөй, қериндишим дәп», дегән сөзлири мошундақ мурәккәп вақитта алийҗанап иш қиливатқан миңлиған гражданлиримиз үчүн тилтумарға айланди. Өз новитидә Қазақстан хәлқи Ассамблеяси Абай вәсийәтлиригә асасланған һалда, мошу ишни давамлаштуруватиду, – дәп тәкитлиди Кативат мудири. Жансейит Қансейитоғли ҚХАниң «Тунҗа Президент йоли билән», «Қазақтану» лайиһилири, «Абай 175» челленджи, «Biz birgemiz», «Мың алғыс» акциялири тоғрилиқ әслитип өтти. Улар хәлқимиз бирлигиниң ярқин испати болди. Ассамблеяниң миңлиған пидаийлири таҗсиман вирус кесиридин җарий қилинған пәвқуладдә әһвал вә карантин тәртиви вақтида пәқәт техиму күчәйгән чоң хәйрихаһлиқ ишни әмәлгә ашуруватиду. – Абай күни – улуқ қазақ шаири вә надир алим күни – бизниң көпмилләтлик хәлқимизниң техиму бирлишишигә вә гүллинишигә ярдәм қилиду, – деди Жансейит Түймебаев. «Абай: тарих вә һазирқи заман» конференциясигә қатнашқан алимлар өз докладлирида бүйүк қазақ мутәпәккүриниң көпқирлиқ иҗадийитиниң түрлүк аспектлирини, Абай Қунанбаев шәхсиниң Қазақстан вә түркий дуния үчүн әһмийитини, униң идеялириниң дуниятонушқа, әдәбиятқа вә башқа саһаларға тәсирини ечип бәрди.

116 рет

көрсетілді

0

пікір
Алдыңғы мақала Абайни аләмгә тонутуш — пәрзимиз
Келесі мақала Мәйрәм челленджға улашти

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

25 Қараша, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы