• Дидар ғенимәт
  • 29 Қазан, 2012

Устазлириға миннәтдарлиқ билдүрди

Муәллимләр күни һарписида Челәк тәвәсиниң Достлуқ йезисидики Қаратуруқ оттура мәктивигә кәспий мәйрәмгә беғишланған мәрикигә тәклип қилиндим. Мән у күнни тәқәзалиқ билән күттүм. Чүнки дәм елишта жүргән муәллимләр билән көрүшмигинимгә хелә вақит болған екән. Мән у мәктәпкә өткән әсирниң 70-жиллириниң бешида келип, 10 жил илмий мудир болуп ишлигән едим. Мәктәп икки тиллиқ — уйғур, қазақ тиллирида паалийәт елип бариду. Әшу жиллар ичидә мәктәпниң муәллимләр коллективи наһайити тиришчан болуп, педагогикилиқ маһаритини ашурушқа дайим тәлпүнүп туратти. Улар дәрисләрни сүпәтлик өткүзүшкә тиришатти вә оқутушниң йеңи усуллирини җарий қилиш мәхситидә турақлиқ издинәтти. Оқуғучиларниң билим сүпитиму дәвир тәливигә мувапиқ еди. Шуңлашқа мән әшу дили пак, ақ көңүл, ишләмчан кәсипдашлирим билән үз көрүшүшкә алдиридим. Мана у күнму йетип кәлди. 6-октябрь күни «Албан» кафесиниң алдида бир топ яш муәллимләр бизни гүлдәстиләр билән қучақ йейип, қарши алди. Әпсус, мениң билән биллә ишлигән муәллимләрниң көпчилиги дуниядин өтүпту. Шундақ болсиму Әркин Мәсимов, Ғопур Ғуламов, Әбәйдуллам Манапов, Мәһәмәтҗан Турсунов, Чолпан Һасамдинова, Ибадәт Ғәнибаева, Клара Тохтиева, Дәнижан Алимқулова, Бақтали Алтынбекова, Бибигүл Қалмақбаева охшаш маңа тәңтуш һәм йеши мениңдин бираз кичик болған устазлар билән зияпәтниң һөрмәтлик меһманлири болуш пурситигә еришкәнлигимдин хурсән болдум. Бу зияпәткә Аминәм Җамалова риясәтчилик қилди. Сорун муәллимләргә беғишланған шеирлар вә көңүлни ачидиған нахша-сазлар билән башланди. Яш муәллимләр меһманларға отлуқ қәлбидин орғуп чиқиватқан иллиқ тиләклирини ейтти. Өз новитидә бизму устазларни кәспий мәйрими билән тәбрикләп, мошу дидарлишиш мәрикисини уюштурғанларға миннәтдарлиғимизни изһар қилдуқ. Сорунда сөзгә чиққан мәктәп мудири Жанар Мукалиева билән мәктәптики кәспий иттипақ комитетиниң рәиси Минаш Бақиева көпчиликкә 2013-жили Достлуқ йезисиға йеңи мәктәп бенасиниң селинидиғанлиғини хәвәрләп, һәммимизни хуш қилди. Мәрасим оюн-тамашә, нахша-саз, уссул, хуш чақчақ тәсири астида наһайити көңүллүк өтти.

Қасим ИСМАЙИЛОВ.

Әмгәкчиқазақ наһийәси.

190 рет

көрсетілді

0

пікір
Алдыңғы мақала 40 жилдин кейинки учришиш
Келесі мақала Йерим әсирдин кейин учраштуқ

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *