• Йеңилиқлар
  • 27 Тамыз, 2020

КОНСТИТУЦИЯ һәптилиги

Қазақстанда Асасий Қанун һәптилиги өтүватиду. Лайиһини Қазақстан Җумһурийитиниң Конституциялик кеңиши уюштурди. Буниңда Әхбарат вә җәмийәтлик тәрәққият министрлиги, вилайәтләр, җумһурийәтлик әһмийәткә егә шәһәрләрниң һакимлиқлири асасий шерикләрдин һесаплиниду.
Конституциялик кеңәш әзаси Унзила Шапақниң Мәркизий коммуникациялик хизмәттә болуп өткән мәтбуат конференциясидә тәкитлишичә, Асасий Қанунниң юбилейи Қазақстан дөләтчилигиниң тәрәққиятидики шанлиқ вақиә болуп һесаплиниду. Әйнә шуниңға бағлиқ Конституция күнини нишанлашқа беғишланған чарә-тәдбирләр мошу һәптиниң бешидин башлап әмәлгә ашурулуватиду.
Асасий Қанун һәптилигини әмәлгә ашуруш даирисидә «Конституцияниң 25 жиллиғи» логотипи ишләнди. Конституция тарихиға беғишланған һөҗҗәтлик фильмлар тәйярланди. Шундақла Конституциялик кеңәш Қазақстан Җумһурийити Конституциясиниң Қамусий мәлуматнамиси охшаш бирнәччә китап вә топламларни нәширдин чиқарди.
Қазақстан Җумһурийити Конституциялик кеңиши аппаратиниң рәһбири Бақыт Нурмухановниң тәкитлишичә, лайиһиниң мәхсити — Конституцияниң җәмийәт вә дөләтни йеңилаштики ролини чоңқур чүшиниш, «Рухани жаңғыру» умуммиллий программиси даирисидә җәмийәтниң конституциялик мәдәнийитини ашуруштин ибарәт.
Регионларда конференцияләр, «дүгләк үстәлләр», вебинарлар, лекцияләр, очуқ дәрисләр, һәқсиз юридик мәслиһәтләр, хәйрихаһлиқ акцияләр вә башқиму чарә-тәдбирләр уюштурулуватиду. Алий оқуш орунлири әдлийә факультетлири студентлириниң арисида конституциялик тәрәққият мәсилилиригә беғишланған әң яхши әмгәкләр вә 5 – 7-синиплар оқуғучилири арисида сүрәт конкурслири өтти. Шундақла Конституция күни шәрипигә «XXI әсир Конституцияси: һоқуқниң үстүнлүги, инсан қәдрийити вә дөләтниң нәтиҗидарлиғи» мавзусида хәлиқара конференция өткүзүш планланди.
Бақыт Нурмухановниң тәкитлишичә, Қазақстан Җумһурийити Президентиниң Архиви «Конституция – турақлиқниң вә дөләтниң гүллинишиниң асаси» мавзусида тарихий-һөҗҗәтлик көргәзмә уюштуриду. Униңға надир архив һөҗҗәтлири – Конституцияниң әсли нусхиси, Қазақстан Президентиниң Конституция тоғрилиқ Пәрмани, Парламент мәҗлислиридики, 1995-жили болуп өткән референдум йәкүни бойичә кеңәшмиләрдики докладлири қойилиду.
Тәкитләш керәкки, эпидемиологиялик әһвал һесапқа елинип, барлиқ чарә-тәдбирләр онлайн-тәртиптә өткүзүлди.

(Конститутиция күнигә беғишланған материалларни 4-5-бәтләрдин оқуйсиләр).

143 рет

көрсетілді

0

пікір
Алдыңғы мақала Иккинчи устазға һөрмәт
Келесі мақала Коррупционерлар шәртлик қәрәлидин илгири бошитилмайду

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *