• Йеңилиқлар
  • 03 Қыркүйек, 2020

Қазақстан Президентиниң «Қазақстан йеңи реаллиқта: иш-һәрикәт вақти» намлиқ хәлиққә йоллиған Мәктүбини әмәлгә ашуруш бойичә Қазақстан хәлқи Ассаблеясиниң гражданларға мураҗиити

Қиммәтлик вәтәндашлар!
Жутдашлар!
Бүгүн Қазақстан хәлқи тарихий вақиәниң – Қазақстан Президенти Қасым-Жомарт Кемелоғли Тоқаевниң Қазақстан хәлқигә йоллиған Мәктүбиниң гувачиси вә тиңшиғучиси болди.
Мәктүп хәлиқ билән әлниң әң муһим, әһмийәтлик вә җиддий мәсилилиригә җавап беридиған алаһидә мәзмунда орунланди.
Қазақстанниң барлиқ гражданлири мошу Мәктүпни дуниявий базардики ихтисадий боһрандин, еғир пандемиядин вә иҗтимаий-ихтисадий мәсилиләрдин кейинки тәрәққиятниң муһим соаллириға җавап тепишқа үмүтлинип күткәнлигини тәкитләп өткән тоғра.
Қазақстан хәлқи Ассамблеяси Қазақстан Президенти Қ.К. Тоқаевниң Мәктүби мошу соалларға мүмкинқәдәр ениқ җавап бәрди дәп һесаплайду.
Мәктүптә хәлиқниң паравәнлигигә, һәрбир қазақстанлиқниң иҗтимаий әһвалиға тәсир қилидиған барлиқ асасий саһалар өз әксини тапқан.
Ихтисадий вә иҗтимаий саһада, дөләт башқуруш саһасида, малийә саһасида дөләтниң тәрәққиятиға тосалғу болидиған мәсилиләрниң барлиқ ениқ сәвәплири көрситилгән.
Дөләт башқурушни ислаһатлаш, мәмликәтниң ихтисадий тәрәққиятиниң йеңи йөнилиши, кичик вә оттура тиҗарәтни қоллаш, ихтисадий риқабәткә қабиллиғини күчәйтиш, билим бериш вә медицинини қоллаш, турушлуқ өй қурулушини рәғбәтләндүрүшниң йеңи механизмлири, һоқуқ қоғдаш системисини ислаһатлаш – бу мәсилиләрниң барлиғи һәрбир гражданға мунасивәтлик.
Президент дөләтниң иҗтимаий-ихтисадий тәрәққиятини иҗтимаий адаләтлик, нәтиҗидарлиқ вә риқабәткә қабиллиғи әвзәлликлиригә асасланған сүпәтлик йеңи вектор билән тәрәққиятниң йеңи қаидилиригә чиқириш бойичә иш-һәрикәтниң бирпүтүн стратегиясини бәлгүлиди.
Мәктүп Қазақстанниң һаятиниң асасий саһалирини ислаһатниң барлиқ асасий йөнилишлири бойичә ениқ тапшурмиларни өз ичигә алиду.
Қазақстан хәлқи Ассаблеяси Мәктүпниң Елбасы Нурсултан Әбишоғли Назарбаевниң турақлиқ вә гүлләнгән Қазақстанни қурушқа қаритилған ениқ сәясий йөнилишини чоңқур объектив тәсвирләйдиғанлиғини җавапкәрлик билән елан қилиду.
Мәктүпни әмәлгә ашуруш пәқәт дөләтниңла әмәс, гражданлиқ җәмийәтниң барлиқ институтлириниң, һөкүмәтлик әмәс тәшкилатларниң, Қазақстан хәлқи Ассамблеяси әзалириниң актив вә кәспий қатнишишини тәләп қилиду.
Мошундақ җавапкәр пәйттә хәлқимизниң бирлиги билән разимәнлигини күчәйтиш, дөләтниң келәчиги үчүн һәр адәмниң җавапкәрлигини ашуруш һаҗәт.
Қазақстан хәлқи Ассамблеяси, бирпүтүн әлниң барлиқ гражданлири Дөләт рәһбириниң йеңи Мәктүбиниң вәзипилирини толуқ қоллайду.
Биз бу Мәктүпниң пүткүл хәлиқ үчүн күчлүк уюштурғучи тәшәббус болидиғанлиғиға чоңқур ишинимиз.
Қазақстан хәлқи Ассаблеяси Мәктүпниң вәзипилирини әмәлгә ашурушқа Нурсултан Назарбаевниң течлиқ билән разимәнликниң әҗайип үлгисиниң асасида умуммиллий бирлик вә җәмийәтлик разимәнлик түпәйли қол йәткүзүшкә болидиғанлиғиға ишиниду.
Қазақстан хәлқи Ассамблеяси бүгүнки Мәктүпниң вәзипилирини әмәлгә ашуруш Қазақстанниң тәрәққиятидики кәңдаирилик сүръәт бериш имканийитигә айлинидиғанлиғиға ишәнчә билдүриду.
Мәктүпни орунлаш – Вәтинимизниң һәрбир вәтәнпәрвириниң гражданлиқ борчи, җавапкәрлиги билән абройи.
Биз мәмликәт хәлқини турақлиқ тәрәққий әткән Қазақстанни қуруш йолида Дөләт рәһбири Мәктүбиниң вәзипилирини орунлаш үчүн бирикишкә чақиримиз.
Қазақстан хәлқи
Ассамблеяси Кеңиши
Нур-Султан, 2020-жил, 1-сентябрь.

535 рет

көрсетілді

0

пікір

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

Уйғур авази

21 Сәуір, 2021

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы