• Мукапат мубарәк!
• 09 Қыркүйек, 2020

Әмгиги баһаланди

Рашидәм МИРЗӘХМӘТОВА,
«Уйғур авази»

Инглиз тили пәниниң муәллими Гүлбанәм Идайәтова – қириқ жилдин ошуқ һаятини маарип саһасиға беғишлиған пешқәдәм устаз. Көплигән дәрисликләр билән методикилиқ қолланмиларниң муәллипи. Европиға сәяһәт қилғучилар үчүн төрт тилдики сөзлүк, уйғур тилини үгәнгүчи чәтәлликләр үчүн «Let’speak Uyghur» дәрислиги, үч тилда йоруқ көргән «Uyghur fairy tales for foreigners» топлими, «Science» муәллиплик оқуш программиси, БМТни уюштуруш вә униңға тәйярлаш бойичә методикилиқ тәвсийәләр шулар җүмлисидиндур. «English Plus Oxford» дәрислиги бойичә жүргүзгән видеодәриси Дубайда өткән хәлиқара конкурста биринчи орунға мунасип дәп тепилған.
Гүлбанәм Абдуллақизи һөрмәтлик дәм елишқа чиққан болсиму, һазир Алмутидики 132-мәктәп-гимназиядә сөйүмлүк мутәхәссислиги бойичә паалийитини давам қиливатиду. Өз кәспигә чин муһәббәт бағлиған устазниң маарип саһасидики көпжиллиқ мевилик әмгиги мунасип баһалинип, йеқинда у Қазақстан Җумһурийити Билим вә пән министрлигиниң «Қазақстан Җумһурийити маарип саһасиниң пәхрий хадими» бәлгүси билән мукапатланди. Биз пешқәдәм устазни бу хошаллиғи билән сәмимий тәбрикләп, мустәһкәм саламәтлик вә иҗадий утуқлар тиләймиз.