• Асасий мақалилар
  • 17 Қыркүйек, 2020

Қайта ишләш санаитидә өсүм үч пайиздин ашти

Дөләт рәһбири Қасым-Жомарт Тоқаев Премьер-Министр Асқар Маминни қобул қилди, дәп хәвәрлиди Президентниң мәтбуат хизмити.

Президентқа Һөкүмәт рәһбири бийил январь-август айлири арилиғидики елимизниң иҗтимаий-ихтисадий тәрәққиятиниң нәтиҗилири тоғрилиқ һесават бәрди.
Премьер-Министр сәккиз айда қайта ишләш санаитидә өсүмниң 3,3 пайизға, униң ичидә машина ясаш –16,3 пайизға, транспорт – 51,8 пайизға, фармацевтика 34,1 пайизға, йеник санаәт – 11 пайизға, химия санаити – 3,1 пайизға вә металл мәһсулатлирини чиқириш – 18,8 пайизға өскәнлигини ейтти.
2020-жили Индустрияләндүрүш хәритиси даирисидә, умумән 996 миллиард тәңгә болидиған 206 лайиһәни әмәлгә ашуруш планланған. Бу санаәт көләмини 1,3 тәңгигә, экспортни 325 миллиард тәңгигә ашурушқа вә 19 миңға йеқин йеңи иш орнини ечишқа имканийәт бериду.
Қурулуш көләми – 6,5 пайизға, турушлуқ өйни пайдилинишқа бериш – 6,4 пайизға, яки 8,1 миллион квадрат метрға ашти. Жил бешидин 71 миң йеңи өй селинди, бу өткән жил билән селиштурғанда 8,6 пайизға ошуқ.
Йеза егилиги саһасида өсүм 4,9 пайизни тәшкил қилди, озуқ-түлүк чиқириш көләми 3,6 пайизға ашти.
Асқар Маминниң ейтишичә, қобул қилинған чариләр иҗтимаий әһмийити бар товарлар баһасиниң өсүшини 4,4 пайиз көләмидә тутуп турушқа имканийәт бәрди, бу өткән жил билән селиштурғанда икки һәссигә (8,7 пайиз) төвән.
Жил бешидин дөләт программилар даирисидә 874 миң адәм иш билән тәминләнди, бу көрсәткүч өткән жил билән селиштурғанда 82,1 пайиздин ашиду.
Дөләт рәһбири учришиш нәтиҗиси бойичә аһалини иш билән тәминләш, тиҗарәт субъектлирини қоллаш, санаәт җәрияниға йеңи технологияләрни киргүзүш, эпидемиялик әһвални турақландуруш вә карантин тәләплирини пәйдин - пәй юмшитишниң муһимлиғини тәкитлиди.
***
Шу күни Дөләт рәһбири Қасым-Жомарт Тоқаев Стратегиялик планлаш вә ислаһатлар агентлиғиниң рәиси Қайрат Келимбетовни қобул қилди.
Президентқа йеңидин қурулған Стратегиялик планлаш вә ислаһатлар агентлиғини қурушниң услублири, униң ичидә Агентлиқ қаидилириниң лайиһәси, штат сани вә униң жил ахириғичә қисқа муддәттә атқуридиған хизмити тоғрилиқ әхбарат берилди.
Қасым-Жомарт Тоқаев җәмийәтни ойландуриватқан мәсилиләр вә тәклипләрни анализ қилип, ениқлашни, шундақла, Қазақстан хәлқигә йоллиған Мәктүбидә мәзкүр вәзипиләрни әмәлгә ашурушни тапшурди.

78 рет

көрсетілді

0

пікір
Алдыңғы мақала Сайлам нәтиҗилири һәққидә һесават бәрди
Келесі мақала Дөләт рәһбири Қасым-Жомарт Тоқаевниң БМТниң 75 жиллиғиға беғишланған Алий дәриҗидики чарә-тәдбирдә сөзлигән сөзи

Біздің Telegram каналына жазылыңыз

алдымен сізді қызықтыратын барлық жаңалықтарды біліңіз

ПІКІР ҚАЛДЫРУ

Сіздің электронды пошта жарияланбайды. Қатарды міндетті түрде толтырыңыз *

Уйғур авази

28 Қазан, 2020

Жүктеу (PDF)

Редактор блогы

Ершат Моллахун оғли ӘСМӘТОВ

Редактор блогы