• Йеңилиқлар
• 24 Қыркүйек, 2020

Хәлиқ билән бирликтә

Йеқинда Алмута вилайити һакиминиң орунбасари Рустам Әли Уйғур наһийәсидә  болуп, наһийәдики бирқатар объектларни арилап, өлкә нәпәси билән тонушқандин кейин, наһийәлик һакимийәтниң Мәҗлисләр залида жиғин өткәзди. Жиғинға наһийә һакими Шөһрәт Нурахунов вә униң орунбасарлири, наһийәлик Уйғур этномәдәнийәт мәркизиниң рәиси Уйғун Арзиев һәм мәдәнийәт мәркизиниң бирқатар вәкиллири, жигитбашлири билән наһийә турғунлири қатнашти. Йеқинда Алмута вилайити һакиминиң орунбасари Рустам Әли Уйғур наһийәсидә  болуп, наһийәдики бирқатар объектларни арилап, өлкә нәпәси билән тонушқандин кейин, наһийәлик һакимийәтниң Мәҗлисләр залида жиғин өткәзди. Жиғинға наһийә һакими Шөһрәт Нурахунов вә униң орунбасарлири, наһийәлик Уйғур этномәдәнийәт мәркизиниң рәиси Уйғун Арзиев һәм мәдәнийәт мәркизиниң бирқатар вәкиллири, жигитбашлири билән наһийә турғунлири қатнашти. Сабирәм ӘНВӘРОВА,«Уйғур авази»
Мәлумки, 2016-жилдин буян Алмута вилайәтлик Ички сәясәт башқармисиниң рәһбири хизмитидә болған Рустам Әлиоғли техи йеқиндила вилайәт һакиминиң орунбасари лавазимиға тайинланған еди. — Наһийәгә келиштики асасий мәхситим — хәлиқ билән йеқиндин тонушуп, турғунларни тиңшаш, — дәп сөз башлиған вилайәт һакиминиң орунбасари ахирқи вақитта наһийәдә орун алған бәзи вақиәләрниң милләтләрара достлуққа көләңгү чүшәрмәслиги керәклигини чүшәндүрди. Бүгүнки күндә җәмийитимиздә әхбаратлиқ технологияләрни яман нийәттә пайдилинип, түгмидәк нәрсини төгидәк қилип көрситишкә маһир «блогерларниң» көпийип кәткәнлигини асасқа алған у, наһийәдики бирлик вә турақлиқни сақлаш үчүн яшларни тоғра йолға башлаш лазимлиғини қәйт қилди. Шуниң билән биллә, қазақ вә уйғур хәлқиниң арисиға чоғ салғучиларниң көплигиниму йошурмиди. Болупму яшлиримизниң әйнә шундақ яман-ғәрәзлик инсанларниң алдам ториға тез чүшүп, адишидиғанлиғини ейтти. Вилайәт һакими орунбасариниң қәйт қилишичә, вилайәт бойичә 392 миң яш болса, униң 39 миңи дипломсиз вә ишсиз жүргәнләр екән. Хош, мана шу он пайизни тәшкил қилидиған яшларниң бош вақтини пайдилиқ ишқа сәрип қилиши үчүн, уларға  алаһидә көңүл бөлүшимиз керәклигини алаһидә атап өтти натиқ.Андин сөзгә чиққан наһийәлик Уйғур этномәдәнийәт мәркизи рәисиниң орунбасари Шамахун Нурумов әл бирлигини мустәһкәмләшкә үлүш қошуп келиватқан жигитбеши институтиниң җәмийәттики роли вә милләтләр достлуғи һәққидә сөз қозғап, Чонҗа йезисидики Һ.Искәндәров кочиси наминиң өзгәртилишигә қарита пикир билдүрди. У шаирниң намидики кочини сақлап қелиш тоғрилиқ тәкливини оттуриға қойди. Өз новитидә сөз алған Чонҗа йезилиқ ақсақаллар кеңишиниң рәиси Сәйдәхмәт Қасимовму ушбу пикиргә қошулидиғанлиғини йәткүзди. Ейтилған пикирни етиварға елип, жуқуриға йәткүзидиғанлиғиға ишәндүргән вилайәт һакиминиң орунбасари коча намлириниң өзгәртилиши тоғрилиқ қарарниң қануний тәләп-қаидиләргә мувапиқ орунлинидиғанлиғини чүшәндүрди.  Рәсмий жиғиндин кейин вилайәт һакиминиң орунбасари Рустам Әлиоғли яшлар билән учрашти. Яшларниң пикирлирини тиңшап, интернетни дурус мәхсәттә пайдилиниш керәклигини әскәрткән у «Оюндин от чиқидиған» әһвалдин сақлинип, бош вақтини  пайдилиқ мәхсәткә сәрип қилишқа чақирди.